Ribadeo, 11 de outubro de 2024. Acisa Ribadeo pon a disposición dos seus asociados e asociadas novos materiais gratuítos para hostalería. Trátase de envases de comida e de bebida para levar.
A presidenta de Acisa, Carmen Cruzado, explicou que “Acisa pon un ano mais novos materiais gratuítos a disposición dos seus socios e socias. Nesta ocasión trátase de bolsas para as botellas de viño, envases de comida para levar e vasos térmicos para cafés ou infusións. Desde Acisa quixemos repetir este esforzo especial para poder axudarlle á hostalería pensando na campaña de Nadal e no vindeiro ano e facémolo tentando aforrarlles custes no seu día a día. Por este motivo poñemos á súa disposición envases de comida para levar e vasos térmicos. Son materiais moi empregados e demandados durante todo o ano”.
O xerente do colectivo empresarial ribadense, Jesús Pérez, subliñou que “estamos a falar de 1.000 bolsas para botellas de viño, de 12.000 envases de comida para levar nun tamaño de 1.900 cl en aluminio e que se poden empregar no microondas, e 4.000 vasos térmicos para café ou infusións. Aqueles establecementos hostaleiros que precisen estes materiais poden pasar a recollelos durante todo o ano pola oficina de Acisa”.
Pérez Prada indicou que “o investimento realizado está preto dos 4.000 euros que podemos realizar con fondos propios e con cargo ao convenio anual asinado co Concello de Ribadeo. Facemos un esforzo moi importante desde Acisa para dotar aos nosos asociados deste material de xeito totalmente gratuíto, porque creemos e temos acreditada a súa gran utilidade e por iso priorizamos estas accións na nosa programación. Entendemos que estamos diante dunha grande vantaxe para que os novos negocios que deciden instalarse en Ribadeo valoren o feito de asociarse a Acisa”.
Cruzado Iglesias sinalou que “tamén haberá materiais gratuítos para o comercio, que presentaremos proximamente. Por estas e outras moitas razóns calquera momento pode resultar idóneo para formar parte da Asociación de Comerciantes, Industriais, Servizos e Autónomos de Ribadeo, desde a que prestamos asesoramento aos negocios locais adheridos e desde a que organizamos moitas campañas ao longo de todo o ano, para a hostalería, para o comercio e para os servizos co obxectivo claro de dinamizar estes sectores e a economía local. Canta mais xente se achegue a Ribadeo ao longo do ano, non so en tempada alta, mellor nos irá a todas e todos”.
A presidenta de Acisa anunciou que “estamos a poñer en marcha unha nova campaña de captación de socios. Queremos que os comercios, os locais hostaleiros, as industrias, os autónomos, os hoteis e os servizos se integren en Acisa. Cantos máis sexamos máis actividades poderemos organizar e máis forza teremos diante das administracións. Somos a asociación máis numerosa de toda a provincia de Lugo e iso é unha grande responsabilidade para esta directiva e esta xerencia. Queremos ser máis e niso tamén estamos a traballar neste momento”.
Merca no teu comercio
Dende Acisa Ribadeo “anímamos a toda a veciñanza e visitantes a participar na segunda edición da campaña Merca no teu comercio, que organizan a Federación Galega de Comercio e a Xunta e coa que colaboramos desde Acisa. Comezou onte e van sortear 11.000 euros en premios, repartidos en 50 vales de 200€, para as compras realizadas entre o 10 e o 30 de outubro en establecementos asociados de toda a provincia de Lugo, no caso de Ribadeo só nos asociados a Acisa. Participar é moi sinxelo, o cliente realiza a compra, rexístraa na páxina web www.mercanoteucomerciolugo.com e garda o seu tícket”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
