Valdoviño, 31 de outubro, 2024. No día de onte tivo lugar no Océano Surf Museo de Valdoviño o terceiro dos parladoiros das xornadas de Divulgación da Estratexia do GALP A Mariña Ortegal, que abordaba a temática do turismo azul sostible. O acto, presidido polo alcalde de Valdoviño, Alberto González, contou coa presenza da Directora Xeral de Desenvolvemento Pesqueiro da Xunta de Galicia, Marta Villaverde, quen sinalou o potencial existente na zona para impulsar proxectos vinculados á economía azul sostible, aproveitando ou recursos e o patrimonio do territorio, poñéndoos en valor a través de iniciativas, como por exemplo, o turismo mariñeiro.
Pablo Diego Moreda, alcalde de Cedeira e representante da asociación de concellos impulsores do Xeoparque do Cabo Ortegal, foi o encargado de abrir os relatorios da xornada. Na súa intervención, ademais de explicar a evolución deste proceso que rematou coa Declaración de Xeoparque por parte da Unesco, puxo de relevo que o Xeoparque supón cara ao futuro un importante reto para dinamizar o conxunto de concellos que participan: Cariño, Cedeira, Cerdido, Moeche, San Sadurniño, Ortigueira e Valdoviño. A zona conta cun alto potencial a nivel xeolóxico, que debe ser aproveitado, coma motor de xeración de novas iniciativas, que contribúan á fixación de poboación no territorio.
Doutor en xeoloxía pola Universidade de Oviedo, Fran Canosa, fixo unha reflexión do potencial a nivel xeolóxico que ten o Xeoparque e as implicacións a nivel local, tendo como referencia outras experiencias postas en marcha. En España existen 17 xeoparques catalogados, se ben Ortegal ten unhas singularidades a nivel dos recursos xeolóxicos que o fan único e diferente. Divulgar este patrimonio, poñelo en valor e sobre todo preservalo, é necesario, se queremos que se manteña no tempo, xa que as intervencións non respectuosas co medio natural son irreversibles. Estase traballando nesta liña, onde o xeoturismo é unha importante vía de financiamento para poñer en valor esta zona e a enorme riqueza xeolóxica que atesoura.
Outra experiencia que se presentou na xornada foi a de Maremasma, onde o biólogo Mariño especializado en biodiversidade e conservación mariña e promotor do proxecto, Carlos Gil, presentou o turismo activo e de natureza, como un motor de dinamización económica na zona da Mariña Lucense. Este proxecto, que nace en Foz en 2014, é apoiado inicialmente polo programa de axudas do GALP da Mariña Ortegal. Ofertan unha proposta de turismo diferente e alternativa para todas as persoas interesadas en coñecer o potencial da costa da Mariña e o seu fondo mariño. Facendo rutas a bordo de embarcacións para coñecer a praia das Catedrais, realizando actividades náuticas, ou de mergullo, esta empresa mantense coma unha referencia na zona, onde o turismo deste tipo está medrando nos últimos anos. Actualmente teñen unha alta demanda na tempada de verán, pero desenvolven tamén actividades de divulgación e organización de eventos na época de inverno, desestacionalizando deste xeito a súa oferta de actividades para diferentes públicos.
Neste contexto, o turismo azul sostible, é unha vía alternativa na que deben ir traballando os diferentes colectivos profesionais que desenvolven actividades no sector pesqueiro. O crecemento da demanda turística nesta zona é unha oportunidade para impulsar iniciativas de turismo que supoñan unha vía complementaria de obtención de recursos, que lles permitan ás profesionais do sector, seguir desenvolvendo a súa actividade no territorio ao tempo que a diversifican. Canta máis conexión se procure entre as entidades do territorio, e máis traballo en rede se faga, máis se van a beneficiar as persoas que seguen apostando pola vida ligada ao sector pesqueiro e ás súas actividades produtivas.
Ao longo do mes de novembro continuarán os Parladoiros do proxecto Vixía Mar Aberto, nos concellos de Xove, Cariño e Cervo, onde se seguiran presentando experiencias de referencia en diferentes ámbitos, ao obxecto de potenciar o coñecemento do programa de axudas do GALP, como ferramenta para apoiar o xurdimento de iniciativas empresariais ligadas ao mar e aos seus recursos.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
