A portavoz, Mariña Gueimunde, explica que “os espazos verdes e as escaleiras da igrexa de San Francisco son de competencia do Concello” igual que o cemiterio de Viveiro “porque é municipal”
Viveiro, 3 de outubro de 2024. A portavoz do PP de Viveiro, Mariña Gueimunde, afea que “os membros do goberno municipal non saiban cales son as competencias e o patrimonio do Concello”. Así o manifesta atendendo á resposta da señora Míriam Bermúdez -tenente de alcaldesa do BNG- no último pleno a un rogo de XViveiro sobre a limpeza e desbroce do entorno da igrexa de San Francisco na que afirmaba que “nada tiña que ver co Concello e llo reclamasen ao clero para que cumpra coa ordenanza que se acaba de aprobar” ante a presenza da señora María Loureiro -alcaldesa polo PSOE- sen que “abrise a boca para corrixila”.
Gueimunde explica que “non hai máis que consultar o visor dos bens patrimoniais do noso Concello para ver que tanto as escaleiras coma os espazos verdes son municipais. É máis, alí están aloxados os servizos sociais do Concello”.
A popular sinala que “estamos cada vez peor e o que esiximos ao goberno local é un pouco de respecto”. E máis concretamente á señora tenente de alcaldesa pídenlle que “se poña as pilas” porque “fala de que sexa o clero o que se faga cargo dos desbroces e labores de mantemento do cemiterio, pero o de Viveiro é municipal. Hai outros que son parroquiais, pero o de Viveiro é competencia do Concello”.
“Se cre que non ten nada que ver co entorno da igrexa nin co cemiterio, a tenente de alcaldesa está afastada da realidade do noso Concello porque, gústalle máis ou gústelle menos, a nosa historia e o noso patrimonio está moi vinculado ao clero”, engade.
De feito, “non hai nada máis que ver que a nosa Semana Santa está declarada Festa de Interese Turístico Internacional”, conclúe.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
