Os veciños e veciñas de Pénjamo trasladáronlles a súa “desesperación” porque a zona se está a converter nun vertedoiro
Viveiro, 30 de outubro de 2024. O PP de Viveiro urxe ao goberno local a cumprir a palabra dada no pleno de febreiro para “retirar de inmediato” os restos acumulados na zona das Nogueiras, como prometía a tenente de alcaldesa.
Os populares xa advertían ao goberno local -a través dun rogo no pleno da corporación local- naquel momento ante as queixas dos veciños e veciñas do barrio do Pénjamo de que este espazo natural “con valor medioambiental e turístico se estaba convertendo nun vertedoiro” debido á acumulación de ramas, árbores e outros restos orgánicos e inorgánicos que ofrecían unha imaxe de “abandono”.
A señora Bermúdez recoñecía que non fora “a mellor decisión” levar alí a biomasa das podas porque chama a depositar outros restos e sinalaba que cando estiveran rematadas as melloras no punto limpo que inclúe unha zona para a xestión da biomasa cunha biotrituradora, ese espazo deixaría de ser punto de acopio.
“O Concello xa dispón de tractor, brazo desbrozador, biotrituradora… pero As Nogueiras, case 9 meses despois, seguen igual e os veciños desesperados” ante a acumulación de enseres, restos de poda -algúns aínda nas propias bolsas de lixo- aos que se suman pneumáticos ou outros residuos metálicos como potas ou pezas de motores”, segundo explica a portavoz, Mariña Gueimunde.
A popular engade tamén que “estes enseres serven, nalgúns casos, de gateira aos felinos que rondan este espacio verde. A comida estrada polo chan fai, ademais, efecto chamada a roedores e outros animais. Unha mala imaxe que rompe a estética do entorno”.
Así, considera que “esta zona que debería ser un espazo natural debidamente coidado, estase a converter nun vertedoiro pola falta de xestión e un mínimo interese por parte da responsable da Área de Medio Ambiente”.
LIMPEZA DO RÍO
Do meso xeito, os concelleiros do PP de Viveiro esíxenlle á señora Bermúdez que “limpe o río que pasa polas Nogueiras antes de que as choivas provoquen unha crecida e o desbordamento das augas”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
