A situación de incerteza sobre a factoría de alúmina-aluminio foi un dos temas principais da reunión que mantiveron os deputados nacionais con alcaldes e representantes populares nos concellos da comarca
A Mariña, 24 de outubro de 2024. A situación de incerteza sobre a factoría de Alcoa é un dos problemas que máis preocupan ao Partido Popular da Mariña. Así llelo trasladaron aos deputados nacionais -Jaime De Olano, Francisco Conde e Cristina Abades- alcaldes, portavoces e concelleiros da comarca que participaron nunha reunión de traballo para poñer sobre a mesa “necesidades e incumprimentos do Goberno de Sánchez que nos ten abandonados” e “coordinar” o traballo dos deputados lucenses no Congreso como “voz e altavoz das reivindicacións da Mariña”, segundo explicou De Olano.
Os populares coinciden en que “a factoría de alúmina-aluminio é fundamental para o emprego e o desenvolvemento da comarca” e sinalan que “é imprescindible que o Goberno de España se implique e favoreza un marco enerxético estable”.
O alcalde de Xove e coordinador comarcal do PP, Demetrio Salgueiro, urxe a convocatoria da mesa de seguimento do pacto “firmado por escrito co Ministerio”, a autorización de parques eólicos para garantir enerxía a prezos competitivos e “incrementar o apoio do Goberno a Alcoa en compensacións por custes de emisións indirectos de CO2”.
De feito, segundo subliñou Francisco Conde, portavoz de Industria do Grupo Popular no Congreso, “o Goberno non pon sobre a mesa todos os mecanismos dos que dispón” porque “podería triplicar a aportación por compensacións de CO2 da que se podería beneficiar a planta de Alcoa. España ten que facilitar un prezo da enerxía que permita á fábrica mariñá competir no mercado con respecto a industrias doutros países como Francia ou Alemaña”. O Grupo Popular no Congreso logrou aprobar no Congreso un plan de apoio á industria electrointensiva, “pero o Goberno non fai nin caso”.
UNHA MARIÑA EN DÚAS VELOCIDADES
En materia de infraestruturas, De Olano lembrou que “a nosa comarca está abandonada. Nin tren -co FEVE en decadencia- nin estradas. A autovía A74 está parada dende o Goberno de Mariano Rajoy. Besteiro anunciaba en campaña electoral obras para este ano, pero é unha mentira máis do PSOE”, incidiu De Olano.
Os alcaldes e representantes dos concellos da Mariña tamén advertían dunha situación de “discriminación”. Salgueiro puxo de manifesto que “a falta de investimentos do Goberno en materia de infraestruturas está a xerar unha Mariña en dúas velocidades” á vista de que “a zona oriental está comunicada co norte peninsular e o centro da provincia a través da A-8”.
OUTRAS DEMANDAS AO ESTADO
A práctica totalidade dos representantes do PP citaron ao lobo como un dos problemas principais que sofren a diario gandeiros e veciños: “Xa non só ataca a crías de equino ou vacún, senón que xa ataca a gando maior ou, incluso, mascotas cada vez máis cerca das casas”. Nese sentido, esixen ao Goberno de España retirar esta especie do LESPRE de forma que se rebaixe a súa protección como xa fixo a Unión Europea. “O Goberno de Sánchez preferiu protexer máis ao lobo que aos gandeiros”, incidiron.
Tamén lembraron na reunión a petición ao Goberno do Estado para a mellora das nacionais N-642, N-640 e N-634, habilitar o segundo acceso a Ribadeo dende a A-8, a rebaixa no prezo do solo industrial no polígono de Ribadeo dependente do SEPES, a implicación de Costas do Estado cos accesos ás praias de San Bartolo (Barreiros) e Sacido (Viveiro) e co investimento para poñer en valor o Mosteiro de San Salvador (Lourenzá); ademais de demandar ao Estado reducir a burocracia.
DIMISIÓN DE PEDRO SÁNCHEZ
Os populares coincidiron en pedir a dimisión de Pedro Sánchez á fronte do Executivo estatal ante “a cascada de problemas de corrupción que asolan ao Goberno e ao PSOE”, segundo lembrou Jaime De Olano, que é membro do consello de dirección do Grupo Popular no Congreso dos Deputados.
“O Goberno de Sánchez ten abandonada a Galicia, a Lugo e á Mariña. Está máis preocupado por resolver os seus problemas internos e máis pendente das resolucións xudiciais que de resolver os problemas dos cidadáns”, afeou.
FINANCIAMENTO AUTONÓMICO E LOCAL
A deputada nacional Cristina Abades -representante do PP na Comisión de Política Territorial- sinalou, en relación ao financiamento autonómico, que “o Goberno de Sánchez acepta beneficiar a unhas comunidades mentres prexudica a outras coma Galicia. Estase a falar de financiamento autonómico, pero non se está a falar de financiamento local. Os Concellos non están na axenda política do Goberno de Sánchez”, sentenciou.
A popular tamén condena que “o Goberno do Estado tome decisións que afectan aos Concellos sen contar coas entidades locais”. A lexislación estatal impón obrigas aos Concellos en materia de recollida de animais abandonados e, máis recentemente, impulsou unha lei de residuos que lles afecta directamente. Neste sentido, alcaldes e representantes do PP da Mariña reivindican “un incremento das transferencias aos Concellos procedentes da recadación de tributos do Estado”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
