O proxecto, de iniciativa popular, ten por finalidade potenciar a peregrinación a Compostela con comezo Mondoñedo, conectando as dúas únicas catedrais do Camiño Norte en Galicia, para unha actividade de unha semana de duración
sdr
Mondoñedo, 30 de outubro, 2024. O vindeiro sábado día 2 de novembro, ás 11:00h daráselle a saída definitiva á iniciativa “De Catedral a Catedral”, de forma simbólica, cunha andaina popular.
“De Catedral a Catedral” ten por obxecto potenciar o Camiño Norte a Santiago, facendo saída dende Mondoñedo coa fin de conectar as dúas únicas catedrais que existen no Camiño Norte, en Galicia e, tanto máis canto que, a Catedral de Mondoñedo é a única que o peregrino pode atoparse entre Santander e Santiago.
O vindeiro día 2 de novembro, celebrarase un acto en Mondoñedo, presidido polo Bispo da Diocese así como polo Alcalde de Mondoñedo, coa fin de dar a coñecer este proxecto.
Dos actos previstos, que darán comezo ás 11h, o acto estrela será a andaina popular con saída da Praza da Catedral de Mondoñedo e, seguindo o itinerario do Camiño Norte, subirá pola Rúa Rigueira ata San Caetano, dende onde se pode ollar toda a Cidade de Mondoñedo. Dende aí abandonarase o trazado xacobeo e voltarase a baixar a Mondoñedo, á Fonte Vella, polas estreitas rúas que se sitúan sobre ela.
Este paseo ten por finalidade potenciar este tramo do Camiño propoñendo unha peregrinación que pode facerse nunha semana. Con saída en Mondoñedo e un itinerario que propón fins de etapa en Abadín-Gontán, Vilalba, Baamonde, Sobrado, Arzúa, O Pedrouzo (Concello de O Pino) e remate, por suposto, en Santiago de Compostela.
Este proxecto, que nace da iniciativa popular, conta co apoio das diferentes administracións e, por suposto, do Concello de Mondoñedo, así como da Diocese Mondoñedo – Ferrol e considérase un factor de gran interese para a hostalería, restauración, comercio e turismo local e da contorna.
Por iso, dende o Concello de Mondoñedo quixérase trasladar á poboación a invitación a vir a participar neste acto e acompañar na andaina que terá unha duración estimada de 30 minutos para un percorrido estimado de 1,5Km.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
