A serie de veladas musicais continúa cun novo encontro o sábado 2 de novembro a partir das 22 horas, no centro social Xebra, na rúa Leandro Cucurny 19, Burela
Burela, 29 de outubro, 2024. O centro social Xebra, en Burela, aproveita a ponte do Día dos Defuntos para celebrar a segunda cita dos seus ‘Sábados elecctrónicos’. A iniciativa da asociación xa comezara en marzo e pretende brindar semestralmente sesións electrónicas con DJs de primeiro nivel na escena galega e estatal. Esta segunda edición será o sábado 2 de novembro, a partir das 22 horas, con entrada a 6 euros para persoas socias (10 euros para non socias).
Os artistas convidados serán Cartuho e F1N05. O primeiro é o proxecto musical dun artista natural do Valmiñor mais afincado en Santiago de Compostela. O DJ forma parte do colectivo Kadiq, que organiza festas deste xénero en Madrid e Galicia, e presenta o podcast ‘Tendiendo a Cero’. Chegará esta fin de semana a Burela para presentar unha carta musical ecléctica na que predomina, sobre todo, o ‘break’.
A outra cabeza que completa o cartaz é FIN05, que aterra no antigo bar da Figueira para presentar o seu novo proxecto audiovisual. O artista promete un directo cheo de sintes modulares, moogs, distorsión, techno hipnótico e ruidismo épico.
Organización e artistas animan ao público a asistir e prometen un encontro que incitará á diversión e que estimula –desde a alegría e a música– o misterio e a emoción do Samaín.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
