Burela, 19 de outubro, 2024. O conxunto masculino do Pescados Rubén Burela FS afronta o seu primeiro partido fóra de casa nada máis e nada menos que contra un dos rivais máis duros da categoría nesta 1ª división de futsal, o Movistar Inter, en Torrejón de Ardoz. Esta tarde ás 18.00h disputouse esta xornada 2 da tempada no Jorge Garbajosa cun valente Pescados Rubén Burela FS que resolveu o partido de forma impecable ante un rival moi complicado cun resultado final 2-3. Partido moi serio por parte dun Burela que xerou moitas ocasións, cunha defensa “espartana”.
Nunha primeira parte totalmente inesperada, os mariñáns recentemente ascendidos márcanse uns primeiros 20 minutos de 10, xerando ocasións, dominando o partido na maior parte do tempo e xerando un ritmo de xogo que sorprende aos locais facéndolles chegar á segunda parte en desvantaxe. Unha primeira parte na que o resultado final ben puido ser un 1-4, pero que se quedou nun 1-2 tras as boísimas intervencións tanto do noso muro Michal Kaluza como do porteiro rival, J. García. Abre o marcador o capitán do conxunto burelense, Isma, no minuto 2 nunha transición xunto a Rikelme e tras un fallo do porteiro ao que se lle escapa o balón das mans tras o disparo. Primeiros 10 minutos cun ritmo vertixinoso, no que se xeran ocasións en ambos campos, con boísima actuación de Michal Kaluza e unha defensa de luxo dos pupilos de David Rial e chega o 0-2 cun golazo de Malaguti que protexe de maneira impecable o balón e realiza un disparo cruzado que se coa na meta rival. Gran papel do pivote benaventino nesta xornada na que as rotacións foron escasas para o equipo burelense. Un minuto despois o Inter logra repoñerse e recortar distancias cun gol de Chaguinha que aproveita un rexeite dun disparo de Cecilio. Ritmo altísimo nesta primeira parte que se mantén con este marcador ata o descanso, cun Burela que expón moita condución e un xogo ofensivo moi serio que domina a maior parte desta primeira metade e gran parte da segunda, xerando máis oportunidades e moi claras qrue os locais, como un remate de Charly que salva J. García coa man no minuto 16, unha das ocasións máis claras do partido, ou outra boa man que salva Jesús nun saque de esquina que remata Rikelme e que ben puido ser o cuarto.
Sae o Movistar Inter animado e con enerxía na segunda parte, sabendo que conta cunha plantilla moito máis ampla e experimentada e esperando cansar a un rival que vai contar con moitas menos rotacións. No minuto 22 Bebe empata o encontro aproveitando un desaxuste na defensa do Burela nun pase de Drahovsky. Continúa sufrindo o Burela durante uns minutos, pero reponse no minuto 25 no que consegue dirixir ao rival á súa cancha e xerar máis ocasións e frear os momentos de perigo na súa propia área. No minuto 26 bo disparo de Isma que salva J. García tras un saque de esquina e a máis clara do partido, no minuto 31, un golpeo de Charly a pase de Quelle, que se estrela contra o pau e que ben puido ser o terceiro (ou o cuarto) dos mariñáns. Continúa a presión e as oportunidades por parte do Burela ante un Inter que non permite e aproveita os mínimos erros que puido xerar o rival durante os 40 minutos. No minuto 34 Drahovsky adianta o marcador nun momento de dominio claro do Pescados Rubén Burela FS, cun escuadrazo desde o punto de penalti tras un saque de esquina. Comeza a atacar de 5 o Pescados Rubén, con Malaguti de porteiro-xogador, no minuto 36, continuando coa presión e xerando ocasións pero fronte a un rival demasiado forte que frustra todos os intentos dun valente Burela que non perde o fol ata a bucina final.
A semana que vén o conxunto Burelense enfrontarase ao ATP Iluminacións Tudelano Ribeira Navarra FS en Vista Alegre ás 16.00h. Tras as boas sensacións de hoxe sabemos que será un Burela que comeza esta dura recta inicial da tempada con moita intensidade, seriedade e valentía, sempre cos pés na terra.
Ficha Técnica Movistar Inter 3-2 Pescados Rubén Burela FS
Movistar Inter (3): J. García; Lucão, Terry, Carlos Bartolomé, Bebe -quinteto inicial-, Cecilio, Chaguinha, Raúl Gómez, Pablo, J. Mínguez, Eloy de Pablos, Drahovsky, Gonzalo. Entrenador: Alberto Riquer.
Pescados Rubén Burela FS (2): M.Kaluza; Araya, Rikelme, Isma, Malaguti -quinteto inicial-, Quelle, Pitero, Charly, Juninho, Alberto, Meira.
Goles: 0-1, min. 1: Isma. 0-2, min. 9: Malaguti. 1-2, min. 10: Chaguinha. 2-2, min. 22: Bebe. 3-2, min. 33: Drahovsky.
Árbitros: Jesús Almeida, Alberto Carrión, Diego Sarasúa, Ana Sánchez.
TA: Alberto Riquer, Meira.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
