Preto de 3.650 persoas de 150 asociacións da provincia participaron na cuarta edición desta iniciativa que se desenvolveu en dúas quendas neste 2024. Nos últimos dous meses foron protagonistas un total de 72 entidades e máis de 1.600 persoas
Lugo, 9 de novembro de 2024. A Deputación de Lugo vén de pechar esta semana “con éxito” unha nova tempada do programa de viaxes gratuítas Coñece a túa provincia. Preto de 3.650 persoas de 150 asociacións da provincia participaron na cuarta edición desta iniciativa que se desenvolveu en dúas quendas neste 2024. Entre os meses de setembro e outubro, un total de 1.648 persoas de 72 colectivos participaron nesta proposta turística dirixida a dinamizar a economía local e dar a coñecer o territorio xerando un retorno económico de máis de 115.000€.
Esta semana catro entidades de Guitiriz, Foz, Taboada e Barreiros percorreron as comarcas da Ribeira Sacra, A Mariña e Sarria.
O martes, a asociación Os Vilares de Guitiriz fixo a ruta de Quiroga, que inclúe entre outros unha visita a unha empresa produtora de viño e de aceite do territorio e a un obradoiro de artesanía. Antes de iniciar o seu recorrido pola Ribeira Sacra, o colectivo veciñal parou na Granxa Gayoso, onde coñeceu as instalacións da institución provincial.
As asociacións do Castro de Vilaronte de Foz e de Santa María de Xián de Taboada foron os protagonistas o xoves deste programa de viaxes. Os primeiros pararon no Pazo de San Marcos da Deputación antes de continuar a súa ruta cara a abadía de San Clodio e o centro de interpretación da minería aurífera en Ribas de Sil e despois fixeron unha visita ao túnel e igrexa de Montefurado. Os segundos coñeceron a Produtora do Servizo de Audiovisuais provincial e logo seguiron ata Mondoñedo, onde coñeceron entre outras puntos de interese o casco antigo e o cemiterio vello.
A veciñanza de San Pastor, de Barreiros, pechou o venres esta tempada do Coñece. O Deputado de Medio Ambiente, Carlos López, deulles á benvida no Mazo de Santa Comba da institución provincial antes de que puxeran rumbo a Sarria e a Samos. Visitaron o mosteiro de Samos, o casco histórico de Sarria e o museo do pan.
Unha tempada máis, o programa Coñece a túa Provincia incluíu, de balde, o transporte para os traslados de ida e volta dende o lugar ou lugares de orixe, póliza de seguros de viaxeiros, menú de xantar, e entradas e visitas a diferentes lugares de interese da provincia de Lugo. Estas visitas realízanas profesionais que contan coa habilitación de guía oficial de turismo de Galicia e persoal de atención ao público nos diferentes museos, empresas ou obradoiros sinalados nos itinerarios do programa.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
