Estes programas mellorarán as oportunidades laborais de 40 persoas desempregadas dos dous concellos
Vilalba, 4 de novembro de 2024. A Xunta inviste algo máis de 1 millón de euros para impulsar o obradoiro dual de emprego Terra Chá no Camiño IV, clausurado hoxe, e para darlle continuidade cunha quinta edición que comezará este ano e durará nove meses. Ambos están promovidos polo Concello de Vilalba asociado co de Abadín.
O delegado territorial de Lugo, Javier Arias, participou hoxe en Vilalba na entrega de diplomas aos alumnos–traballadores que completaron o programa que acaba de finalizar. Destacou que o financiamento da Xunta inclúe incentivos para a contratación de todos os participantes en empresas unha vez rematada a actividade.
Cada taller ofrece formación teórica e práctica a 20 persoas desempregadas en oficios con boa saída laboral. En Vilalba o próximo obradoiro impartirá as mesmas especialidades que o anterior, relacionadas coa gravación e tratamento de datos e documentos e co mantemento de zonas verdes. En Abadín, nos últimos meses impartíronse ensinanzas de carpintería e moble; mentres que agora centraranse na albanelería.
Ao tempo que adquiren experiencia laboral, os obradoiros realizan obras de interese social en espazos públicos dos concellos. Así, en Vilalba os alumnos e alumnas continuarán coa organización e dixitalización do arquivo municipal e co acondicionamento de xardíns e espazos verdes como os da praza da Constitución, o auditorio, a igrexa de Santa María ou a área recreativa da Magdalena.
No que respecta a Abadín, as actuacións realizadas incluíron a renovación de varandas de madeira na avenida de Galicia e na rúa Real de Gontán; ou a disposición de cubre contedores en Gontán, entre outras. O seguinte taller traballará na execución dunha beirarrúa nunha rúa de nova apertura do casco urbano.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
