O presidente de Portos de Galicia respondeu a unha pregunta parlamentaria na Comisión 8ª de Pesca e Marisqueo
Santiago de Compostela, 12 de novembro de 2024.- O presidente de Portos de Galicia, José Antonio Álvarez, respondeu esta mañá a unha pregunta parlamentaria na Comisión 8ª de Pesca e Marisqueo en relación á previsión de reversións de terreos que non rexistran actividade portuaria ao Estado para a posible transferencia posterior aos Concellos. Ao respecto, asegurou que a Xunta de Galicia incluirá terreos do porto de Foz que se declaren innecesarios na primeira fase da tramitación destas reversións.
En relación a este procedemento o presidente de Portos trasladou que o Goberno galego está a avanzar no proceso de desafectación dos terreos portuarios que se declaren innecesarios para a actividade portuaria e precisamente para maior axilidade vense de establecer unha tramitación por fases (por lotes de portos), dado que se trata dun procedemento complexo e longo que incumbe a varias administracións e que de feito conclúe coa aprobación por parte do Goberno de España en Consello de Ministros. Os terreos que serán declarados innecesarios estase a consensuar cos propios concellos, unha tarefa na que se traballa desde hai varios meses.
Pola súa parte, os orzamentos da Xunta de Galicia prevén un investimento pluarianual de 4,5 millóns para a remodelación das instalacións portuarias focense co obxectivo de potenciar a actividade portuaria. A primeira fase deste proxecto contempla unha dragaxe da dársena que se atopa en tramitación ambiental á espera de que o Ministerio de Transición Ecolóxica emita os informes favorables. En concreto trátase dos informes de avaliación ambiental e de compatibilidade coas estratexias mariñas, que foron solicitados o 10 de novembro do pasado ano. Este investimento determina o posicionamento de Portos de Galicia respecto aos terreos que poderán ser declarados innecesarios.
Álvarez Vidal explicou que mentres se tramitan as reversións “Portos de Galicia aplica sobre estes terreos estrita e unicamente as taxas que se establecen por lei polo que non teñen cabida chamamentos a incumprir as obrigas fiscais”. A este respecto subliñou que Portos de Galicia facturou o pasado ano 2023 un total de 71.000 euros ao Concello de Foz por actividades como o mercado dos martes ou as festas, “polas que a propia Administración cobra á súa vez a vendedores e feirantes” que se instalan no terreo portuario. Á súa vez, outras infraestruturas de uso veciñal que tamén se atopan instaladas en solo de Portos de Galicia están exentas de taxas como é o caso da estación depuradora de augas residuais, o parque infantil ou os departamentos de Protección Civil.
Reunión coa FEGAMP a finais de mes
Durante a súa intervención o presidente de Portos de Galicia insistiu en que o proceso de reversión á Administración Xeral do Estado dos terreos declarados innecesarios para a actividade portuaria “estase a consensuar cos propios concellos, unha tarefa na que se traballa desde hai varios meses. De feito, esta prevista unha reunión entre o Conselleiro do Mar e o presidente da Federación Galega de Municipios e Provincias para finais deste mes co obxecto de abordar esta cuestión.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
