Partido con moito ritmo na primeira parte e no final con gran protagonismo de Antía Pérez, Emilly e Uxía Rodríguez durante os 40 minutos
Burela, 9 de novembro, 2024. Esta tarde celebrouse a 9ª xornada da liga de Primeira División Iberdrola FS na que se celebrou un dos tantos derbis galegos desta categoría, Ourense Ontime – Pescados Rubén Burela FS no Pazo dos Deportes Paco Paz, cun resultado final 2-5.
Na primeira parte as ourensás póñense por diante no minuto 4 de xogo, cun gol de Raquelilla nun erro defensivo do Burela, pero pouco lles durará a alegría tras dous minutos de insistencia das visitantes por atopar o empate e atopalo dous minutos despois cun golazo lateral de Antía Pérez nunha bonita xogada na que se escapa pola liña da área e cóaa entre a defensa. No minuto 5 grandísima intervención de Uxía Rodríguez a un disparo, de novo, de Antía Pérez desviando o balón a córner. E chega o segundo das mariñás outros dous minutos despois cun disparo de Emilly case desde a frontal da área tras un saque de banda de Antía Pérez. Claro dominio do Burela nesta primeira parte buscando marcar distancias no marcador á vez que o Ourense aínda pode conseguir o empate non cesando no seu empeño de logralo. Oportunidade moi clara de Dany que non acerta coa portería nunha xogada de pivote moi boa, disparando dende a área tras un xiro e outro paradón de Uxía, que está realizando unha notable primeira parte, a un trallazo de Antía que puido ser o terceiro tanto das Pícaras de Burela, a cinco minutos do final da primeira parte. Chega o descanso 1-2 no marcador.
Aínda que máis competida, comeza a segunda parte con gol a dous minutos do comezo. Emilly vaise de Raquelilla pola lateral da área e picaa por riba de Uxía anotando o terceiro das Pícaras. No 3 volve tentalo desde case o mesmo punto tras un saque longo de Caridad, pero vaise rozando o segundo pau. Falta perigosa no minuto 5 da segunda parte, que saca Emilly cun disparo directo que rebota na barreira ourensá. Man boísima de Uxía que frustra unha das oportunidades máis claras do partido, un disparo de Carolina Pedreira nun cara a cara tras unha boa xogada combinativa do Burela na área rival. Continúan os minutos de xogo máis parello, moitas oportunidades que non logran puntuar no marcador, outra moi clara de Dany no minuto 34 que remata dentro da área un pase de Dinha pero Nuri detén o disparo. Chega o segundo tanto de Antía Pérez e o cuarto do conxunto de Julio Delgado despois dun disparo de Emilly que detén Uxía e un pau de Débora no rexeite da porteira, que aproveita Antía ás súas costas. Non se renden as ourensás e anotan o segundo no minuto 39 nun mal pase de Emilly que rouba Sara Moreno anotando o 2-4. Falta perigosa para o Pescados Rubén neste mesmo minuto que saca Emilly, que logra o hat-trick fusilando a portería cun trallazo imparable que parece atravesar a toda a defensa local. Remata o encontro cun resultado final 2-5 non sen antes salvar o sexto gol unha enorme Uxía Rodríguez que desvía coa man un disparo directo nun doble penalti de Antía Pérez tras a sexta falta das pupilas de Bea Seijas.
O vindeiro sábado as nosas Pícaras disputarán un dos duelos máis complicados da tempada, ante o Melilla Ciudad do Deporte Torreblanca. Partido dedicado ao cesamento da violencia de xénero cara ás persoas na campaña “NON Á Violencia de Xénero” da Xunta de Galicia. Será televisado pola cadea pública Teledeporte ás 11.00h dende Vista Alegre.
Ficha Técnica Ourense Ontime 2-5 Pescados Rubén Burela FS
Ourense Ontime FSF (2): Uxía Rodríguez; Chicky, Marta (C), Sara Moreno, Rafinha -cinco inicial-, Vero, Carla Ayensa, Nuri, Ana Riveira, Zaide Pérez. Entrenadora: Bea Seijas.
Pescados Rubén Burela FS (5): Caridad; Dinha, Patricia, Noelia Montoro, Emilly- cinco inicial-, Dany (C), Cilene, Antía Pérez, Carolina Pedreira, Cristina, Débora, Cami. Entrenador: Julio Delgado.
Goles: 0-1, min.4: Raquelilla. 1-1, min:6: Antía Pérez. 1-2, min.8: Emilly.1-3, min.22: Emilly. 1-4, min.33: Antía Pérez. 2-4, min.39: Sara Moreno. 2-5, min.39: Emilly
Árbitros: Mayra Camila Araujo, Lidia Crespo Pardo, Gabriel Chousal Prieto, Germán Fernández Dacosta.
TA: Raquelilla.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
