O BNG emenda estes orzamentos para que a Xunta atenda con urxencia as necesidades da comarca
A Mariña, 27 de novembro, 2024. Na mañá de hoxe o BNG fixo a presentación das emendas que formulan ao proxecto de Orzamentos da Xunta para 2025, emendas que serán debatidas na próxima semana no Parlamento.
O deputado mariñao Daniel Castro, acompañado pola tenente de alcaldesa de Viveiro Miriam Bermúdez, o responsable comarcal Antonio Veiga e diversos cargos institucionais, fixo un repaso da situación da Mariña e dos incumprimentos da Xunta coa comarca que se repiten ano tras ano á hora de aprobar as contas públicas.
Según afirmou Daniel Castro estas contas non contemplan as necesidades reais e máis acuciantes da Mariña, nin os servizos básicos de moitos concellos que estes non poden costear eles sós, e máxime cando a Xunta tén competencias en moitos deles, nin nas infraestruturas, a industria, o emprego ou a sanidade, entre outros.
Unha Atención Primaria que garanta a sanidade pública de calidade e proximidade que a poboación demanda
A respecto da situación sanitaria pronunciouse Miriam Bermúdez, alertando da grave situación que neste eido se en contra a comarca, pero especialmente Viveiro, a vila máis grande da Mariña, donde o centro de saúde está prácticamente en cuadro a nivel de persoal sanitario, o mesmo que no servizo de pediatría, en Viveiro e na comarca. Propón o BNG nas súas emendas un novo modelo de Atención Primaria que garanta unha atención sanitaria de calidade e proximidade. Demandan así mesmo nas emendas relacionadas coa sanidade un Plan de Atención á Saúde Mental e prevención do suicidio, así como Áreas de saúde de unidade de hospitalización infanto-xuvenil; recuperar o segundo técnico na ambulancia medicalizada, e dotar un PAC na comarca con urxencias pediátricas.
Referíuse tamén a tenente de alcaldesa de Viveiro á necesidade da creación dunha Nova Unidade Xudicial de Violencia sobre a Muller en Viveiro que xustifica a emenda presentada ao respecto.
Mario Pillado referíuse tamén á emenda que propuxeron desde Burela, que é que a Unidade de Atención á Drogdependencia, agora costeada polo concello sexa asumida polo SERGAS.
Plan de reactivación para A Mariña
Nesta emenda proponse u Plan de Reactivación para A Mariña no que participen concellos , Xunta e Estado, dada a situación á que se ve abocada a comarca nos últimos anos sen que ningunha administración actúe. E neste sentido proponen unha vez máis a intervención de Alcoa con participación do goberno do estado e da Xunta, demandando que esta consigne nestes orzamentos 10.000.000€, tal como demandou o comité de empresa na reunión mantida con eles. Tamén para a recuperación da comarca é clave o desenvolmento de solo industrial e por eso o Bng propón desenvolver a terceira fase do Parque Empresarial de Barreiros e iniciar os polígonos de O Valadouro, Riotorto e Muras. Vinculado a todo esto está a creacion da Empresa Pública Galega de Enerxía que proponen tamén desde a formación nacionalista.
Infraestruturas para o desenvolvemento económico
Unha vez máis, a VAP Costa Norte San Cibrao-Ferrol queda reducida a números en papel con cantidades escasas para levala adiante nesta década, por eso o Bng urxe o necesario compromiso orzamentario. “En 15 anos o PP leva feito 15 km co cal sae a 1km por ano, polo tanto de seguir a este ritmo e tendo en conta que a VAP tén 90 km tardarían en rematala 90 anos” afirmou o responsable comarcal Antonio Veiga.
Volve tamén ao Parlamento unha vella demanda incumprida do sector do mar en Foz que é a remodelación da dársena do peirao de Tupide e a modificación da bocana de entrada.
Outra das infraestruturas demandadas e a EDAR de San Miguel de Reinante en Barreiros, nun concello de pouco máis de 3.000 habitantes pero que en época estival multiplica considerablemente a súa poboación.
Tamen a mellora da rede de abastecemento de auga en Xove vai recollida nas propostas de emendas.
Vivenda
Neste tema desde o BNG propón a nivel nacional a promoción ou adquisición pública de vivendas nos sistemas urbanos intermedios en diversas comarcas, e entre elas A Mariña, con especial atención aos nodos e ás zonas de saturación de Vivendas de Uso Turístico.
Actuacións medioambientais
Continúan as emendas con diversas propostas de actuacións medioambientais no Río Baos (creación de senda fluvial e limpeza do encoro de captación de auga para consumo) e no Río Masma donde se demanda a rexeneración do mesmo e o seu entorno.
Centro de día
Servizos coma o Centro de Día de Lourenzá para o que se pide a súa reparación e rehabilitación con melloras no sistema de aillamento é outra das demandas presentadas hoxe.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
