Sonia Vidal salientou que o goberno do PP utiliza os xabarís como escusa para alimentar un discurso populista que busca máis confrontación que solucións
Santiago de Compostela, 29 de novembro de 2024. A deputada do Bloque Nacionalista Galego, Sonia Vidal, presentou na Comisión 7.ª, Agricultura, Alimentación, Gandaría e Montes, unha Proposición Non de Lei para axilizar os procesos administrativos para autorizar esperas e abatidas de xabarís, garantindo unha intervención eficaz ante danos e as emerxencias.
Sonia Vidal subliñou que a xestión do xabaril por parte da Xunta de Galiza “é un exemplo claro de abandono e desprezo polo sector agrario galego”. O BNG denuncia que durante décadas, as labregas e labregos deste país teñen sufrido os danos ocasionados por unha fauna salvaxe cuxa poboación medra sen control, mentres a administración autonómica nin proporciona indemnizacións nin implanta medidas reais de prevención.
Non hai ningunha estratexia coordinada e eficaz para reducir a poboación de xabarís, nin medidas preventivas reais, ou asesoramento técnico. As accións limitáronse a campañas anecdóticas, como “cazas controladas” que non teñen impacto sostible.
A lentitude para autorizar esperas e abatidas “dificulta unha resposta áxil” aos danos dos xabarís. Vidal salientou que os agricultores “deben enfrontarse a trámites burocráticos que frean as actuacións urxentes”, agravando os efectos sobre os cultivos. O BNG demandou nesta iniciativa establecer un prazo máximo de 3-6 meses para compensar os danos nos cultivos, incluíndo as leiras de sega de herba, para que as labregas e labregos non sexan quen paguen a factura desta crise. “As labregas non poden esperar anos por unha indemnización mentres soportan as consecuencias dos ataques”.
Por outra banda, a deputada nacionalista sinalou que a xestión eficiente da fauna salvaxe é clave para “previr enfermidades” como a tuberculose, brucelose, peste porcina, hepatite E, salmonelose, leptospirose e enfermidades parasitarias, así como “protexer a saúde do gando e das persoas”. Vidal demandou responsabilidades ao goberno do PP e instou a pór en funcionamento un control efectivo da poboación de xabarís para reducir a incidencia das enfermidades.
“A Xunta de Galiza debe abandonar a súa política de propaganda e asumir a súa responsabilidade na xestión do xabaril” apuntou. O abandono das labregas e labregos non só é unha mostra de desinterese polo rural, senón tamén unha ameaza ao equilibrio territorial, “á seguridade e á economía do país”. As medidas propostas polo BNG son unha aposta por solucións reais e urxentes, fronte á parálise e inacción do goberno autonómico. “O rural galego merece unha resposta que poña ás persoas no centro e non os intereses políticos” concluíu.
A Proposición Non de Lei do BNG que pedía axilizar trámites para esperas e abatidas, compensacións xustas e rápidas polos danos, así como un estudo sanitario dos exemplares abatidos, non saíu de adiante cos votos en contra do Partido Popular.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
