Viveiro, 2 de novembro de 2024. O Concello de Viveiro acometerá diferentes actuacións para mellorar as instalacións da piscina e o ximnasio municipal.
“Desde o concello queremos mellorar de forma continua os servizos que lle prestamos aos veciños e veciñas, neste caso renovando unhas instalacións moi utilizadas para a práctica deportiva”, explica a alcaldesa, María Loureiro.
Procederase por unha parte á dotación dun elevador hidráulico para a mellora da accesibilidade na piscina municipal por un importe de 4.549,60 euros. Esta cadeira elevadora beneficiará ás persoas con mobilidade reducida, facilitando o seu acceso á piscina municipal.
Por outra banda, o concello xa ten asinado o contrato para a instalación dunha deshumectadora, o que permitirá a reapertura do vaso pequeno. O importe deste contrato ascende a 37.279,52 euros e as obras comezarán neste mes de novembro.
Finalmente, instalarase na piscina municipal unha nova tecnoloxía denominada Nagi. Este sistema permitirá dixitalizar a actividade física dos nadadores e mellorar a seguridade dos usuarios, ao contar cun sistema para evitar a posible afogamento dos bañistas, mediante un sistema de localización en tempo real, que contacta aos usuarios cos socorristas.
Asemade, grazas á instalación desta nova tecnoloxía a piscina de Viveiro pasará a formar parte na Red EPIC (Red Española de Piscinas Inteligentes Conectadas), integrada por piscinas de toda España; esta rede de piscinas intelixentes de toda España busca integrar a intelixencia articificial no medio acuático, dixitalizando a actividade dos nadadores.
A instalación desta nova tecnoloxía e integración nesta rede avala o compromiso municipal coa innovación e mellora dos servizos municipais, facilitando que os usuarios poidan facer uso desta instalación dun xeito máis seguro e beneficioso, ao poder acceder a datos en tempo real sobre o rendimento durante a sesión de nado.
Polo que respecta á dotación de nova maquinaria para a sala de musculación e cardiovascular, por un importe de 55.336,69 euros, o ximnasio vaise dotar con novas máquinas de bíceps, tríceps, dorsais, ombreiros e abductores, ademais dunha máquina multiestación. Na sala de cardiovascular, vanse instalar unha nova elíptica, unha cinta e unha bicicleta de alta intensidade.
As instalacións da Piscina Municipal de Viveiro están abertas de forma continuada, de 08:00 a 22:15 de luns a venres; e os sábados de 10:00 a 14:00 horas e de 17:00 a 21:00 horas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
