Os populares lograran aprobar por unanimidade unha iniciativa no pleno de setembro do 2023 para instar ao goberno de Viveiro a solicitar esta axuda
Viveiro, 13 de novembro de 2024. O PP agarda que “o goberno local de Viveiro aproveite a axuda da Xunta de Galicia de máis de 16.000 euros concedida ao Concello -como publicado o DOG este luns 11 de novembro- para diagnosticar a situación da Praza de Abastos” porque “é absolutamente necesario reactivar este espazo dinamizador da economía local”, segundo manifesta a portavoz, Mariña Gueimunde.
Os populares explican que “a Xunta achega o seu apoio, pero iso non pode eximir ao goberno local de atender ás súas competencias”. Nese sentido, reclaman que “demostre a súa implicación real” na recuperación da Praza de Abastos con partidas no orzamento municipal do vindeiro ano e “ofrecendo ás persoas interesadas a posibilidade de acceder aos postos baleiros”. Gueimunde afea que “mentres a xente pregunta por eses postos, o goberno local non faga nada: deixa pasar o tempo mentres a praza se vai baleirando”.
Os concelleiros do PP xa teñen preguntado ao goberno bipartito polos pregos para a licitación dos postos vacantes na Praza de Abastos “sen lograr o compromiso concreto do goberno local”. A este respecto, a portavoz engade que “non podemos agardar a unha rehabilitación que non temos garantido que vaia chegar a corto prazo”.
O Grupo Municipal Popular leva dende o inicio do mandato preocupándose -de forma oficial no Pleno a través de iniciativas e preguntas ao goberno bipartito- polo seu impulso e posta en valor ante “a constante perda de praceiros”.
O PP lograra aprobar por unanimidade no pleno de setembro de 2023 unha iniciativa para instar ao equipo de goberno a solicitar a liña de axudas da Xunta para o impulso da Rede de Mercado Excelentes de Galicia e para a dinamización e revitalización das prazas de abastos que favorece “a adecuación e a mellora dos equipamentos públicos comerciais municipais”.
Gueimunde incide en que “xa pediramos que o goberno bipartito demostrara o seu compromiso con fondos propios, reservando partidas orzamentarias nos presupostos municipais do 2024 para o mantemento e mellora de servizos básicos en tanto non se executa un proxecto máis ambicioso. Lamentablemente, isto non foi así. A realidade económica do Concello lastra o investimento municipal”.
APOSTA POLA PRAZA DE ABASTOS
A popular cre que “debemos apostar pola Praza de Abastos” e defende que “é un dos espazos máis importantes, tradicionais, populares e incluso turísticos do noso concello”; ademais subliña “a súa situación estratéxica e o seu valor como escaparate do produto local de calidade vencellado á sustentabilidade, á protección do medio ambiente e ao compromiso coa sociedade”.
“A Praza de Abastos de Viveiro necesita reformar e adaptar o seu espazo, mellorar as condicións de estética e salubridade e modernizar as instalacións para lograr que sexa funcional para o seu uso e atractivo para adxudicatarios e visitantes”, conclúen dende o PP.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
