Deputados provinciais e concelleiros do PP mantiveron un encontro cos veciños e veciñas que reclaman habilitar unha zona segura para a circulación dos peóns e a instalación de elementos redutores da velocidade “que garantan a seguridade dos peóns que teñen que poder circular pola parroquia sen xogarse a vida”
Viveiro, 5 de novembro de 2024. O PP reclama ao goberno de PSOE e BNG na Deputación de Lugo que “escoite aos veciños e veciñas da provincia” e, neste caso, “que teña en conta as peticións que levan tempo trasladando os veciños e veciñas da parroquia viveirense de Galdo para mellorar a seguridade viaria na estrada provincial LU-P-6602, principalmente, nos treitos que discorren entre os núcleos de vivendas”.
O portavoz popular na Deputación de Lugo, Antonio Ameijide, e o viceportavoz, Demetrio Salgueiro, mantiveron un encontro con veciños e veciñas da zona xunto á portavoz do PP local, Mariña Gueimunde, e concelleiros do grupo popular para coñecer máis de preto a súa reivindicación: que se habilite unha zona segura para a circulación dos peóns, na medida que sexa posible, e a instalación de elementos redutores da velocidade “que garantan a seguridade dos peóns que teñen que poder circular pola parroquia sen xogarse a vida”.
Veciños e veciñas da parroquia de Galdo, maioritariamente a xente maior, teñen medo de poñer un pé fóra das súas casas ante o importante volume de tráfico que circula entre os núcleos de vivendas, en boa parte, a gran velocidade pola estrada LU-P-6602 que comunica coa feira de Galdo ou a parroquia ourolesa de Bravos. “Non é seguro andar pola vía que non dispón de marxes para a circulación dos peóns que se vén obrigados a compartir espazo con moitos vehículos que discorren pola vía ao longo do día”. De feito, “fai poucos días un veciño sufriu un atropelo”, lembrou Ameijide.
Ante a situación de perigosidade que os populares puideron comprobar de primeira man, piden ao goberno de PSOE e BNG “sensibilidade con estes veciños e veciñas” toda vez que “cunha pequena intervención poderían mellorar o seu día a día”.
FALTA DE VONTADE OU DE PESO POLÍTICO DO GOBERNO LOCAL
A portavoz do PP de Viveiro, Mariña Gueimunde, condena que “o goberno local nin contestou nin actuou ante unha queixa que xa lles fora remitida polos veciños e veciñas”. A popular cre que se trata de “falta de vontade da alcaldesa e da tenente de alcaldesa” para dar solución a este problema que os afectados lles teñen trasladado ou “falta de peso político” das dúas dirixentes nos seus respectivos partidos; xa que a Deputación de Lugo está gobernada polas mesmas cores políticas que o Concello e “aínda así non son capaces de lograr que atendan as reclamacións dos viveirenses”.
Os concelleiros do PP de Viveiro comparten a preocupación dos veciños e veciñas da parroquia de Galdo que temen que se produzan máis accidentes de tráfico coma o que sufriu un ancián fai varios días ao ser alcanzado por un vehículo. Recentemente unha muller tivo que botarse á cuneta para evitar ser arroiada por un vehículo.
Os populares pedirán no pleno deste mércores que o goberno municipal, xunto coa Deputación de Lugo, teña en conta as peticións dos veciños afectados e que se tomen as medidas necesarias para garantir a súa seguridade.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
