O portavoz, Antonio Ameijide, e os deputados Demetrio Salgueiro e José María Fernández comprobaron o mal estado da vía xunto ao alcalde, José Manuel Lamela, que lles trasladou as queixas dos veciños e veciñas
O Valadouro, 13 de novembro de 2024. O estado da estrada de titularidade da Deputación de Lugo que comunica no Valadouro co reemisor de TVE, na parroquia do Cadramón, “é intransitable para turismos”; polo que o Grupo Provincial Popular esixe ao goberno provincial de PSOE e BNG desenvolver con urxencia traballos de mellora na vía LU-P-6305.
O portavoz do Grupo Provincial do PP, Antonio Ameijide, e os deputados mariñáns Demetrio Salgueiro e José María Fernández comprobaron “o mal estado do firme” xunto ao alcalde, José Manuel Lamela, que lles trasladou as queixas dos veciños e veciñas polos prexuízos que lles causa esta situación.
Ameijide sinala que “en moitos puntos desta vía que comunica con parques eólicos e moitas fincas de gandeiros e gandeiras da zona o pavimento está tan gastado e desfeito que da paso a profundas fochancas”. Ante esta situación, “é imposible circular con seguridade pola vía con turismos”. Polo tanto, “o seu uso está limitado a outro tipo de vehículos”.
Para o popular esta situación débese á “falta de mantemento durante décadas por parte da Deputación de Lugo” que “fai moitos anos que non fixo ningún tipo de mellora nesta vía” que precisa “de forma urxente” un “bacheo integral en condicións”.
PSOE E BNG NON SON CAPACES DE MANTER A REDE VIARIA PROVINCIAL
Ameijide subliña, unha vez máis, que “o goberno de PSOE e BNG non atende a unha das súas principais competencias: o mantemento da rede viaria provincial”. Este é “un exemplo máis do mal estado no que se atopan moitas estradas de titularidade da Deputación de Lugo ao longo da provincia que están a xerar malestar entre os veciños e veciña ao condicionar a súa vida diaria”.
O popular volve insistir na importancia de dispoñer de estradas provinciais en bo estado para favorecer a mobilidade dos lucenses, o traballo diario de autónomos e transportistas e os accesos aos visitantes contribuíndo ao desenvolvemento do sector turístico. “Un goberno do Partido Popular foi capaz de construír a rede de estradas máis extensa dunha Deputación en España, pero o goberno de PSOE e BNG non son capaces de mantela”, indica.
Máis concretamente, o portavoz do PP afea que “recentemente propoñíamos duplicar a partida orzamentaria da Deputación de Lugo para a mellora das estradas provinciais -incrementar en 10 millóns de euros procedentes da liquidación de tributos do Estado do ano 2022-, pero PSOE e BNG votaron en contra”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
