O seu Voceiro, Pablo Díaz, alerta de que se paralizou o contrato porque o Concello de Abadín non publicou a licitación no Diario Oficial da Unión Europea, un requisito imprescindible para este tipo de contratos
Abadín, 11 de novembro de 2024. A Agrupación Socialista de Abadín, a través do seu Voceiro Pablo Díaz, expresa a súa indignación pola anulación do contrato de subministración eléctrica para as dependencias, instalacións e alumeado público dos concellos de Abadín, Castro de Rei, Friol e Outeiro de Rei, atribuíble á falta de xestión e previsión do alcalde. Este contrato, que buscaba optimizar o gasto enerxético e reducir custos foi cancelado pola falta de publicación obrigatoria no Diario Oficial da Unión Europea (DOUE), un requisito ben coñecido e imprescindible neste tipo de contratos.
“Non é tolerable que se poña en xogo un contrato esencial pola falta de cumprimento das máis básicas obrigas administrativas”, afirma Díaz. O erro, recoñecido publicamente polo propio Concello de Abadín, implica que a licitación, publicada no perfil de contratante o pasado 28 de outubro de 2024, queda anulada, atrasando sen data un proxecto esencial para a mellora do servizo de subministración eléctrica e poñendo en risco os plans de aforro e eficiencia enerxética anunciados aos veciños. O orzamento de licitación deste contrato era de máis de 1,6M€.
Para Pablo Díaz, Voceiro da Agrupación Socialista de Abadín, este feito é unha mostra máis da “falta de responsabilidade e compromiso” do Alcalde coa xestión pública: “Este erro demostra unha preocupante neglixencia na xestión dun contrato esencial. A obrigatoriedade de publicar contratos no DOUE non é un simple formalismo, é un paso indispensable para asegurar a transparencia e legalidade no proceso de contratación. Resulta inadmisible que o Alcalde ignore ou desprece os requisitos legais necesarios, o que supón un prexuízo directo para os veciños e veciñas de Abadín, Friol, Castro de Rei e Outeiro de Rei”.
A Agrupación Socialista critica duramente que, malia as promesas de mellora na xestión enerxética, a falta de rigor e o descoido do goberno municipal deixen a cidadanía sen os beneficios deste proxecto, que supón un servizo básico e que foi anunciado como un paso importante cara á eficiencia enerxética. “A paralización deste contrato non é un erro menor, é unha mostra clara de ineficacia e deixamento das responsabilidades do Alcalde, que compromete a confianza e os recursos de todos os veciños e veciñas de Abadín e os concellos asociados,” engadiu Díaz.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
