O goberno local convocou un pleno extraordinario no que se aprobou por unanimidade unha das obras máis importantes para o día a día dos vilalbeses e vilalbesas
Vilalba, 12 de novembro de 2024. O Concello de Vilalba vén de aprobar por unanimidade o proxecto de obra para a instalación de decantadores lamelares nas Estacións de Tratamento de Augas Potables (ETAP) de San Simón e As Cañotas, grazas aos cales se poderán solucionar os problemas de turbidez na auga do casco urbano vilalbés.
A alcaldesa, Marta Rouco, explicou esta mesma mañá no pleno extraordinario celebrado no Concello de Vilalba que se trata “dunha das obras máis importantes para o día a día dos vilalbeses e vilalbesas, que nos permitirá solucionar dunha vez por todas os episodios de turbidez na auga”.
En concreto a obra, incluída no convenio subscrito entre a Confederación Hidrográfica Miño-Sil e o Concello de Vilalba para mellorar o ciclo da auga, suporá a instalación de decantadores lamelares nas ETAPs de San Simón e As Cañotas, dende as cales se suministra auga potable ao casco urbano vilalbés. Uns dispositivos que permiten separar elementos semipesados e pesados en suspensión na auga para que, posteriormente, se poida levar a cabo o tratamento desas augas sen ningún tipo de problema.
“Os decantadores permitirán clarificar a auga e separala de calquera tipo de lodo ou residuo que poida traer consigo sobre todo nas épocas de abundantes choivas, onde actualmente o sistema de decantación non está funcionando da maneira oportuna”, asegurou a alcaldesa de Vilalba, Marta Rouco.
Ademais, o goberno local informou de que a actuación complementarase coa instalación de filtros que farán un traballo previo de limpeza e depuración da auga e serán fundamentais para que o proceso no seu conxunto resulte satisfactorio. Unha obra que se sumará á futura mellora do sanemaneto da Rúa Plácido Peña, o cal conta cunha infraestrutura moi antiga e que precisa ser renovada para que unha vez a auga estea tratada e completamente limpa non recolla ningún tipo de residuo na súa canalización ata que chega ás vivendas.
OUTRAS ACTUACIÓNS
Ademais desta obra, a principios de ano remataron as actuacións de mellora da Estación Depuradora de Augas Residuais (EDAR) de Vilalba, tras un investimento de 1,7 millóns de euros grazas ao convenio subscrito entre a Confederación Hidrográfica Miño-Sil e o Concello de Vilalba.
O obxectivo da actuación era limitar as verteduras sen tratamento adecuado ao río Madalena, para o que se acometeron dúas actuacións: a ampliación do pretratamento da EDAR e a construción dun tanque de tormentas.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
