Viveiro, 5 de novembro de 2024. Na tarde de hoxe, na Biblioteca Municipal de Viveiro, presentouse o número 189 da revista Terra e Tempo dedicado á primeira grande organización de masas do nacionalismo, a Asemblea Nacional-Popular Galega (AN-PG), que durou desde 1975 até 1982, cando se convertiu no BNG actual.
Falou desta etapa da nosa historia Francisco Luís Rodríguez Guerreiro e Néstor Rego Candamil, dúas persoas que a viviron en primeira persoa, aínda que con distintas idades.
Francisco Luís Rodríguez Guerreiro falou dalgunha das actividades, sen esquecer as persoas que as fixeron posíbeis, realizadas en Viveiro entre o ano 1972 e o 1976, e así encadrar o ambiente no que naquela altura “se puido formar un mozo, eu mesmo, dunha vila galega, que acha un país até entón oculto e que non puido atopar nos estudos formais do bacharelato.” Tamén comentou a súa participación, como representante da Fronte Estudantil, en varias reunións da incipiente Asemblea Nacional-Popular Galega.
A maiores fixo un repaso por toda a actividade levada a cabo na Mariña, a actividade legal na Asociación Cultural Sementeira e a menos legal ou ilegal como a loita contra a instalación dunha central nuclear en Xove ou a contaminación por flúor producida na factoría de Alúmina/Aluminio, ou reclamando a construción dun hospital na comarca…
Para Néstor Rego, “O vizoso nacionalismo galego de hoxe, non podería ser entendido sen o traballo fundamental, realizado os anos 60 e 70, de autoorganización do pobo galego en todos os ámbitos, no cultural, no labrego, no estudatil, no mundo do traballo cos primeiros xermolos sindicais que deron lugar ao que, na actualidade, é a primeira central sindical da Galiza, a Confederación Intersindical Galega (CIG). E, especialmente, sen a decisión da UPG de impulsar a creación dunha frente patriótica que deu lugar á aparición da Asemblea Nacional Popular Galega en 1975. A AN-PG coñeceu un rápido crecemento porque foi capaz de incorporar os sectores máis dinámicos da sociedade galega e de se involucrar nos principais conflitos sociais e políticos que viviu o noso País nese período.”
No coloquio posterior ás intervencións houbo achegas de asistentes que tamén participaron daquelas loitas ou actividades políticas e culturais.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
