Os almanaques poden encargarse en preventa ata o día 4 de decembro a través do correo comisionviveiroenfestas@gmail.com por un prezo de 6 euros
Viveiro, 29 de novembro de 2024. A Comisión das festas patronais de San Roque, Viveiro en Festas, pon á venda un calendario con fotos antigas do pobo e dos seus veciños para recadar fondos.
As instantáneas, que están cedidas por fotógrafos e veciños da localidade, plasman distintas épocas do pobo, que van desde principios do século XX ata a década de 1970.
Nelas pódese contemplar o cambio que sufriu Viveiro durante todos estes anos e recoñecer a persoas que participaban na vida social e comunitaria local ao redor das festas.
Desde a comisión queren darlle as grazas a “África Jiménez, Saúl Jiménez, Pepe Veiga, Perfecto Parapar, el blog ‘El deseado y Viveiro’, Consuelo Novoa y a la página de Facebook ‘Viveiro Digital’, por facilitarnos as fotos para poder completar este calendario”.
“A través deste almanaque pretendemos amosarlle á veciñanza os cambios que se viron reflictidos nas nosas tradicións e nas festas durante todos estes anos, e ese sentimento de pertenza que había á hora de celebrar xuntazas e colaborar nas celebracións, que nós, como Comisión, pretendemos recuperar”, engaden.
Por último, queren “agradecerlle a súa colaboración a todas as outras persoas que fixeron posible que este proxecto se fixera realidade a tavés de chamadas, consultas e consellos, así como tamén a Gráficas LAR, que é a empresa encargada de materializalo”.
A preventa por 6 euros a través de correo electrónico
Os calendarios xa poden encargarse en preventa ata o mércores 4 de decembro ás 23:59 horas, a través do correo electrónico comisionviveiroenfestas@gmail.com, a un prezo de 6 euros. No corpo da mensaxe debe indicarse o nome da persoa que encarga, o número de calendarios e un número de teléfono.
A partir do día 5 de decembro, os calendarios poderán adquirirse fisicamente en distintos comercios do Centro Comercial Centro histórico de Viveiro, a un prezo de 8 euros.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
Villares destacou que a Administración autonómica reafirma o seu compromiso con esta cita, adicada a enxalzar a calidade deste produto do mar e a poñer en valor o esforzo dos profesionais do sector. Así mesmo, subliñou a importancia das festas gastronómicas na promoción turística e na dinamización económica da zona.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
