Ribadeo, 5 de decembro de 2024. A apertura de negocios segue medrando en Ribadeo, onde se instalaron 42 empresas no último ano. O Concello ven de conceder novas licencias.
O alcalde, Dani Vega, dixo que “Ribadeo segue crecendo, segue avanzando na apertura da actividade comercial. Novas empresas, novos comercios, en definitiva, a actividade económica en Ribadeo está crecendo. Os datos que nos están a dicir?, que no último ano foron 42 empresas as que se instalaron en Ribadeo”.
O rexedor explicou que “unhas continuaron, polo tanto estamos garantindo o relevo xeracional, outras cambiaron de titularidade e outras abriron por vez primeira. Son datos moi positivos, son datos que nos seguen animando a traballar para que a actividade comercial se estableza en Ribadeo”.
Vega cre que “a redución da burocracia, abrir as portas á inversión, atender a todas as persoas que queren emprender en Ribadeo e darlles unha explicación, acollelos e axudar creo que é a liña correcta. En todas as xuntas de goberno deste ano e medio, a todas foron aperturas de negocios”.
O alcalde subliñou que “nesta última vamos darlle unha licenza para que haxa un novo taller no porto de Ribadeo. E tamén vai haber outra licenza para a apertura de actividade comercial, novos comercios que vai haber en Ribadeo. Seguimos esa liña de crecemento, seguimos creo que facendo as cousas con responsabilidade e cun obxectivo claro que é atender ás persoas, escoitalas, axudarlles para que poidan establecer o seu proxecto comercial, o seu proxecto empresarial, en definitiva, que esa actividade económica que non se vaia para outro sitio e se quede en Ribadeo”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
