As obras financiaranse por medio dun convenio asinado co área de Rural da Deputación, que tamén inclúe a redacción dun proxecto para a substitución das tubaxes principais entre o depósito de San Caetano e o da Folgueirosa
Barreiros, 20 de decembro de 2024. O Concello de Barreiros vén de asinar un convenio coa área de Rural da Deputación co que poderá afrontar obras coas que se busca incrementar a capacidade da rede de abastecemento. Ao mesmo tempo, e cun claro obxectivo de mirar cara ao futuro, realizarán o proxecto para a substitución das tubaxes principais que unen o depósito de cabeceira en San Caetano co depósito da Folgueirosa, o principal na distribución da zona norte do municipio.
A alcaldesa, Ana Ermida, destaca a importancia deste investimento “que vén a dar continuidade ao esforzo que se está realizando en adecuar, neste caso, o servizo de abastecemento de auga ás necesidades actuais; pero, sobre todo, coa vista posta no futuro.” A rexedora explica que “todo o traballo que se realiza faise pensando no desenvolvemento deste concello, planificado e intentando anticiparse ás situacións que poden darse. Non renunciamos ao crecemento e ao desenvolvemento de Barreiros, é máis: cremos e apostamos por el; pero non pode tirarse cara adiante sen unha planificación e hipotecar a quen veña detrás.” Fai deste xeito referencia á situación coa que se atoparon nos servizos básicos á súa chegada ao goberno, “cuns servizos sobrepasados, non dimensionados ás necesidades e que afectan ao normal desenvolvemento municipal”.
No convenio asinado prevese, ademais da redacción do proxecto, un total de 21 actuacións; entre as que destacan a impermeabilización do depósito de Merille -un depósito cuxa capacidade estaba arredor dun 10% da prevista polas importantes perdas de auga que tiña-, que servirá como punto intermedio de acopio para auga potable; a substitución das acometidas públicas nas vivendas sociais de San Cosme -que están realizadas en ferro e sobre as que non se actuou desde a súa instalación, co deterioro que iso supón- e a substitución de tramos de tubaxes existentes en fibrocemento que, pola antigüidade das mesmas, acumulan importantes fugas e afectan ao abastecemento.
A concelleira de Saúde Pública, Montse Porteiro, explicou que “estas obras son cuestións fundamentais para optimizar o funcionamento do sistema e dan continuidade a outras actuacións que se foron realizando nos últimos anos, como a impermeabilización do depósito da Barranca, a substitución de chaves de paso en tubaxes ou o cambio de traxectos do subministro; que permitiron reducir notablemente a perda de auga tratada que había no momento en que chegamos ao goberno, cando só se aproveitaba arredor do 10% da auga que se trataba, co que iso supón de perda tanto a nivel ecolóxico como económico”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
