Burela, 10 de decembro de 2024. O Concello de Burela recibiu esta mañá en Madrid o galardón que acredita a Burela como Cidade Amiga da Infancia, outorgado por UNICEF.
A alcaldesa Carmela López e o tenente de alcaldesa Mario Pillado participaron no acto de entrega de recoñecementos, no que tamén estiveron a ministra de Xuventude e Infancia, Sira Rego, ou o presidente de UNICEF España, Gustavo Suárez-Pertierra.
“Que Burela sexa recoñecida como Cidade Amiga da Infancia é o selo ao compromiso do Concello coa protección dos dereitos da infancia a través de medidas concretas e recursos destinados ao desenvolvemento infantil e adolescente”, afirma a rexedora.
“Entre as iniciativas clave, está a participación activa da mocidade mediante un Consello de Participación Municipal Infantil no que se debaten proxectos municipais cos rapaces e rapazas da vila”, apuntou López. “É importante escoitalos e atender as súas demandas”, engadiu.
Pola súa banda, Mario Pillado sinalou que “o obxectivo agora é manter esa distinción, porque nos ten que servir como incentivo para seguir traballando nesa liña e seguir mellorando no trato e protección dos dereitos da infancia e adolescencia, contando sempre para elo coa súa participación activa”.
Burela foi distinguida no acto, celebrado no Salón de Actos Ernest Lluch do Ministerio de Xuventude e Infancia, xunto a outros dous concellos galegos, Viveiro e Nigrán, e outros 17 municipios de toda España.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
