O popular explica que “este expediente é o preámbulo dunha obra maior”; xa que, tras o dragado da canle do Porto Chico, “Portos de Galicia xa dixo no seu día que está prevista unha reorganización da súa dársena”
Foz, 9 de decembro de 2024. “O Goberno de Sánchez aínda non fixo nin remitiu o informe de Costas do Estado solicitado fai máis dun ano e que é fundamental para avanzar nas tramitación do dragado da canle e nunha esquina do Porto Chico”, indican os populares á vista da resposta oficial a preguntas dos senadores do PP por Lugo.
O portavoz do PP de Foz, Javier Castiñeira, condena o “pasotismo total” tanto do Goberno do Estado que “leva meses para facer un informe imprescindible para avanzar nese dragado que é fundamental para Foz e que demanda o propio sector (a confraría de pescadores, a asociación A Ribeira e o Club Náutico)”.
Igualmente, subliña que o señor Cajoto “non conseguiu nada”, a pesar de “quedar de poñerse con ese tema” despois de aprobar no Pleno do Concello unha moción co que os grupos municipais pediamos axilidade”.
Castiñeira traslada ao respecto a súa “decepción” pola “falta de interese do Goberno do Estado e as nulas xestións realizados polo goberno local en relación a este expediente” sobre o dragado, pero que é “o preámbulo dunha obra maior”. De feito, “Portos de Galicia dixo no seu momento que, despois do dragado da canle, está prevista unha reorganización da dársena do Porto Chico”. Polo tanto, “deberamos ter o informe para ter nos próximos meses sacar a licitación ese dragado e continuar con esa obra e todos os trámites administrativos”.
INVESTIMENTO DA XUNTA
A acción das mareas, as correntes internas e as circunstancias climatolóxicas producen grandes acumulacións de area na zona de acceso e atracada das dársenas, ocasionando situacións de perigo ou de pouca operatividade dos recursos portuarios.
Para evitar estes problemas, son necesarias dragaxes periódicas así como determinadas actuacións que axuden a reducir estes riscos e minoren os efectos destas condicións ambientais.
De feito, desde o ano 2021, a Xunta de Galicia fixo varios investimentos que incluíron desde dragaxes de emerxencia a outras obras non menores, como a reparación de espigóns, melloras nos pantaláns, proteccións contra a acción das correntes, actuacións que se traduciron en millóns de euros.
O compromiso máis recente implica a execución dunha nova dragaxe da canle de acceso de Porto Chico, cun investimento próximo a 1,1 millón de euros; ademais dun estudo para reorganizar a zona de atracada, optimizala e facela máis segura e con máis e mellores amarres.
Aínda que, o Goberno galego leva meses coa tramitación ambiental deste proxecto, un paso decisivo para que poida facerse realidade nun prazo razoable de tempo é que dispoña dos permisos e as autorizacións necesarias previas e preceptivas á licitación, entre eles, un informe que se solicitou á Dirección Xeral da Costa e o Mar en novembro do ano 2023 e que, á espera da súa emisión, mantén bloqueada e imposibilita seguir avanzando na tramitación deste proxecto.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
