“Son moitos os veciños que nos trasladan a súa inquietude e enfado ante a situación política do municipio que se está a traducir nunha inacción absoluta do goberno local”, afirma o voceiro popular, Javier Castiñeira
Foz, 19 de decembro de 2024. O Partido Popular de Foz móstrase preocupado pola parálise total que sofre o concello. “Son moitos os veciños que nos trasladan a súa inquietude e enfado ante a situación política do municipio que se está a traducir nunha inacción absoluta do goberno local”, afirma o voceiro popular, Javier Castiñeira.
O enfrontamento político entre PSOE e BNG xera inseguridade, mala imaxe e perdida de servizos públicos.
Castiñeira sinala que “o grave é que a parálise política de Foz acarrea unha parálise administrativa e económica moi perigosas: levamos meses sen secretario nin interventor, incúmprese o período máximo de pago a provedores e asociacións, tárdanse meses en dar unha licenza ou calquera outro permiso e, todo iso, despois da maior suba de impostos que se recorda en Foz”.
Ademais, as obras urbanas levan varios meses paralizadas, os continuos cambios no tráfico dificultan a mobilidade e existe unha desorganización e descoordinación total nas tarefas municipais básicas que se fixeron moi evidentes nos últimos veráns onde se rozou o caos total.
“Cajoto, intrinsecamente, está dimitido; así o demostrou delegando a residencia por incompetencia pero non pode alargar o sufrimento do pobo, polo que lle pedimos a PSOE e BNG que aclaren canto antes a súa relación política e deixen paso a aqueles que xa demostraron que saben xestionar en épocas complexas”, expresa o voceiro do PP de Foz.
“Quedan dous anos de lexislatura e a xente pregúntase en que vai acabar isto, pero non hai máis que ver a falta de protagonismo do noso concello dentro da Mariña e, aínda menos mal, das obras realizadas polo anterior goberno municipal, pola Xunta de Galicia e das xestións do actual Grupo Municipal Popular (depuradoa, arranxos no colexio de Nois e no IES de Foz, dragados…) para que o concello teña investimentos de certa envergadura”, finaliza Javier Castiñeira.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
