José María Fernández afirma que Trabada “merece un alcalde á altura do municipio e dos seus veciños, preocupado por solucionar os problemas que todos temos e non por atacar ao PP e aos seus lexítimo representantes”
Trabada, 2 de decembro de 2024. Os concelleiros do PP de Trabada critican “as malas formas” do alcalde que, pleno tras pleno, “limita os nosos dereitos como concelleiros, negándonos o uso da palabra, non respondendo ao que se lle pregunta e empregando as quendas de palabra para atacarnos en lugar de para facilitar a información que se lle solicita”.
O voceiro municipal, José María Fernández, esixe ao rexedor “un cambio de rumbo” xa que “está a menoscabar os nosos dereitos como representantes públicos” e “do mesmo xeito que di que nós temos que cumprir as normas que rexen os plenos, el tamén o ten que cumprir”.
Neste senso, José María Fernández recomenda ao alcalde que “comece a ter responsabilidade no cargo e comece a responder ao que se lle pregunta en lugar de empregar esas quendas para atacar ao Grupo Municipal do PP e a min persoalmente”. “Basta xa de faltas de respecto”, sentenciou.
“As normas que rexen o pleno son as mesmas para todos e está totalmente fóra de lugar que o alcalde faga o que lle dea a gana coas quendas de palabra e que, cando nós temos o uso da palabra ameace con cortarnos o micrófono senón nos rexemos polas normas que a el lle interesan nese momento”, afirmou.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
