Demetrio Salgueiro afirma que “é imposible entender” que PSOE e BNG na Deputación de Lugo voten en contra de pedir ao Goberno central medidas que garantan a viabilidade de Alcoa mentres no Parlamento galego apoian este tipo de iniciativas
Lugo, 4 de decembro de 2024. No pleno do pasado martes, PSOE e BNG votaron en contra dunha moción do Grupo Provincial Popular para reclamar ao Goberno central a convocatoria da mesa de seguimento do acordo de Alcoa de forma urxente (convocatoria que se fixo efectiva dous días despois do pleno da Deputación de Lugo), autorizar os parques eólicos vencellados a subministración de enerxía á planta e a desenvolver medidas para garantir a viabilidade da fábrica: aumentar ata o máximo permitido para as industrias electrointensivas as axudas por compensacións de CO2 e articular liñas de axudas públicas, igual que outras empresas consideradas estratéxicas para o Estado.
Unha situación ante a que o vicevoceiro provincial do PP, Demetrio Salgueiro, sinala que se ve claramente “unha falta de apoio total ao traballadores” por parte do goberno da Deputación de Lugo, provincia na que está asentada a empresa.
Un voto en contra que “hoxe se entende aínda menos”, explicou Demetrio Salgueiro, tras ver como no Parlamento galego, e por unanimidade de todos os grupos, aprobouse unha proposición non de Lei na que se insta aos titulares dos Ministerios de Industria e Turismo e para a Transición Ecolóxica e o Reto Demográfico a participar na mesa de seguimento do acordo de Alcoa, así como un aumento da dotación orzamentaria das axudas de compensación de custos de emisións indirectas de CO2 ata o máximo legalmente permitido pola normativa europea e que se autoricen, sen máis dilación, os parques eólicos de competencia estatal vinculados a contratos a longo prazo para a produción de enerxía a prezos competitivos (PPAs) que prevén fornecer á factoría.
Demetrio Salgueiro explica que “non se sabe a que xogan PSOE e BNG” pero está claro que “non se xoga con ningún posto de traballo, pero moito menos cos de Alcoa, unha industria de vital importancia para A Mariña”.
A realidade é que o cumprimento de todos estes acordos “é fundamental” para garantir a viabilidade de Alcoa xa que “non pedimos un trato privilexiado, senón que se dea á empresa o mesmo trato que ao resto de industrias do sector no resto de España”. “So queremos que teña o mesmo trato para poder traballar en igualdade de condicións”, explicou.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
