Os deputados do Grupo Provincial Popular acordaron, unha serie de actuacións na institución provincial e nos Concellos nunha xuntanza que tivo lugar en Folgoso do Courel cos alcaldes e voceiros do PP dos municipios afectados: Folgoso do Courel, Becerreá, Guitiriz, A Pontenova, A Pobra do Brollón, Portomarín, Cervantes, Pantón, Ourol e O Saviñao
Lugo, 18 de decembro de 2024. Continuando coa política de descentralizar as xuntanzas de traballo por toda a provincia, os deputados do Grupo Provincial Popular mantiveron esta mañá unha reunión en Folgoso do Courel, na que tamén participaron, ademais da alcaldesa Lola Castro e concelleiros do municipio, ademais de alcaldes, voceiros e concelleiros do PP de Becerreá, Guitiriz, A Pontenova, A Pobra do Brollón, Portomarín, Cervantes, Pantón, Ourol e O Saviñao.
O voceiro popular, Antonio Ameijide, explica que “elixir Folgoso do Courel e contar cos compañeiros de todos eses municipios non é unha casualidade, xa que son os representantes dos nove concellos que o goberno de PSOE e BNG na Deputación de Lugo abandonaron ao non cumprir cos compromisos adquiridos cos veciños fai máis dunha década na maioría dos casos a través da sinatura de convenios para poñer en marcha centros de atención a maiores nos seus concellos.
Queremos facer énfase no caso de Folgoso do Courel ante a paralización dos trámites por parte da Deputación de Lugo que leva máis de ano e medio para modificar os prezos do proxecto, mentres que o Concello cumpriu coa súa parte”, engade. Este é, polo tanto, un claro exemplo de incumprimento por parte do goberno de PSOE e BNG.
Lola Castro explicou que “o convenio para a residencia de Folgoso do Courel foi asinado no 2018, o Concello puxo os terreos a disposición no 2019, posteriormente a Deputación de Lugo presentou un proxecto con numerosos erro e, unha vez corrixidos, o Concello resolveu con dilixencia e outorgoulle a licenza municipal a comezos do 2022”. O convenio remata en xullo do 2025 e o goberno provincial acumula meses sen responder aos escritos da alcaldesa. Ao respecto, a rexedora defende que “os veciños e veciñas do noso municipio merecen respecto por parte do goberno da Deputación de Lugo”.
ACTUACIÓNS COORDINADAS
Nesta xuntanza, os representantes do PP acordaron unha liña de actuacións para esixir a PSOE e BNG o cumprimento dos acordos asinados e que comezan por levar ao pleno da Deputación e dos concellos afectados mocións para esixir ao goberno provincial “celeridade na execución das obras e na apertura destes centros para dar un servizo moi necesario na atención dos nosos maiores”.
Antonio Ameijide recorda que na batería de 50 propostas que presentamos ao goberno provincial para que as incorporasen aos orzamentos da Deputación para o vindeiro ano (cómpre recordar que PSOE e BNG rexeitaron aceptar estas medidas) xa figuraban:
Apertura inminente do centro de día e residencial comarcal en Becerreá, con partidas orzamentarias específicas para contratar o mobiliario e materiais para equipar o inmoble construído e contratar o persoal necesario para asegurar a prestación do servizo.
Axilizar e finalizar as obras de construción (en execución) dos centros de atención ás persoas maiores e centros de día nos concellos de Guitiriz, A Pontenova e A Pobra de Brollón.
Iniciar as obras de construción dos centros de atención ás persoas maiores e centros de día nos concellos de Folgoso do Courel e Portomarín.
Redacción dos proxectos para a posterior construción dos centros de atención ás persoas maiores e centros de día comprometidos nos concellos de Cervantes, Ourol, Pantón e O Saviñao.
CENTROS DE DÍA
Os deputados populares tampouco esquecen que o goberno de PSOE e BNG non puxo en marcha ningún dos centros de día comprometidos, algo para o que tamén se reclamaba unha partida específica nos orzamentos provinciais para o vindeiro ano:
Incluír unha partida orzamentaria específica para poñer en funcionamento os centros de día localizados nos Centros de Atención ás Persoas Maiores de Trabada, Pol, Castroverde, Meira, Pedrafita do Cebreiro, Navia de Suarna, Ribadeo, A Fonsagrada e Ribas do Sil, e para garantir a correcta prestación do servizo nos mesmos.
PREVISIÓN ORZAMENTARIA
Antonio Ameijide destaca que “seguiremos ao carón” dos veciños de todos estes municipios ata acadar a apertura dos centros comprometidos.
A realidade é que “o goberno provincial non prevé a apertura de novas residencias no 2025, nin das residencias en construción ni das que tiñan comprometido. Tampouco para a apertura do centro comarcal de Becerreá para o que non hai 1 euro” polo que “seguiremos reclamando a súa posta en marcha ata que sexa unha realidade”.
Neste senso, o voceiro popular recorda que nos orzamentos da Deputación de Lugo para 2025, que aprobaron en solitario PSOE e BNG, o orzamento total para os centros de atención a maiores baixa máis de 96.000 euros e os investimentos reais diminúen nun 12%. “Por moito que José Tomé diga que vai a abrir estes centros, con menos recursos non se poden abrir novas instalacións, polo que seguiremos traballando ata que se consignen os fondos necesarios e se poñan en marcha”, sentenciou.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
