Antonio Ameijide sinala que “pese a que xa pasou o prazo legal” para entregar a documentación, José Tomé e os seus socios de goberno seguen agochando a RPT, as certificacións de obra dos centros de atención a maiores e as contas xustificativas das subvencións
Lugo, 11 de decembro de 2024. Antonio Ameijide pregunta a José Tomé “que agocha” dentro do goberno provincial para negarse a facilitar ao Grupo Provincial Popular a documentación requirida para poder realizar o traballo de fiscalización sobre o goberno de PSOE e BNG.
Ameijide explica que “estas trabas e falta de transparencia son unha constante” do goberno de PSOE e BNG xa que “poñen as máximas dificultades posibles” para que non poidamos denunciar todo o que fan mal. “Pero nin por esas o conseguen, como a semana pasada cando tardamos só unhas poucas en desmontar todas as mentiras de Tomé sobre o Plan de Mellora de estradas, que non investirá 27M€ na provincia, senón que quedará en menos da metade”, explicou.
Os expedientes solicitados e que aínda non se entregaron son (cómpre recordar que a lexislación establece que hai que facilitar o acceso no prazo de cinco días):
Relación de Postos de Traballo da Deputación: documento solicitado o 19 de setembro de 2023 sen que se entregase, polo que se reiterou a petición o pasado 2 de decembro.
Contas xustificativas das subvencións: documentación solicitada o pasado 2 de decembro.
Certificacións aprobadas ata a actualidade e a documentación correspondente en relación ás obras de construción e posta en marcha dos centros de atención a maiores da Pobra do Brollón, A Pontenova, Becerreá e Guitiriz
Antonio Ameijide lamenta “esta opacidade” de PSOE e BNG á fronte da Deputación de Lugo xa que “coa súa forma de actuar o que están a facer é manchar o nome da institución provincial”.
O popular explica ademais que “pode entenderse que negue a RPT da Deputación á vista de como actúan PSOE e BNG en todo o relacionado co persoal” poñendo de exemplo a denuncia realizada onte polo Grupo Provincial Popular en relación aos cambios de valoración nun proceso selectivo da Deputación.
Esa situación non é nova, xa que “se repite dende hai meses” e, incluso, o propio presidente da Deputación “negou a colaboración debida” solicitada pola Valedora do Pobo ante a petición de amparo presentada polos populares sobre o veto de acceso a instalacións públicas provinciais.
“Non hai dúbidas de que José Tomé ten algo que agochar, do contrario non tería ningún problema en facilitar toda a información que lle solicita a Valedora do Pobo ademais de facilitar o acceso ás instalacións provinciais aos deputados populares”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
