Galicia é a terceira comunidade con maior cota de produción de enerxía verde
Chantada, 19 de decembro de 2024. O presidente da Xunta, Alfonso Rueda, destacou esta mañá o potencial que ten a nosa comunidade para liderar a transición enerxética e así consolidarse como referente na produción e almacenamento de enerxías renovables.
Así o fixo durante a súa visita as instalacións da Central Hidroeléctrica de Belesar, que realizou acompañado da conselleira de Economía e Industria, María Jesús Lorenzana. Rueda louvou as instalacións de Belesar, ás que salientou como “unha das presas máis importantes de Galicia e de España”.
Neste sentido, o presidente do Goberno autonómico puxo como exemplo esta central hidroeléctrica da aposta polas enerxías limpas, e puido “constatar unha vez máis os recursos naturais que ten Galicia”. Hoxe en día, a nosa comunidade é a terceira con maior cota de produción de enerxía verde, e nos primeiros dez meses do ano a porcentaxe de xeración renovable alcanzou o 85,65 % sobre o total da produción que saíu das instalacións enerxéticas.
Ademais, Rueda destacou que este potencial que ten Galicia para a produción e o almacenamento de enerxías renovables, é fundamental que se desenvolva “con sentidiño” e de maneira ordenada, “con proxectos que garantan a sostenibilidade ambiental e a preservación do entorno”. Por iso, o Executivo autonómico leva a cabo a Lei de recursos naturais para garantir que calquera proxecto deste tipo teña beneficios económicos e sociais no territorio: “estes proxectos son una garantía de que se producimos enerxía poderemos abastecer tamén a industrias en Galicia que crean traballo e que necesitan esa enerxía”, rematou o presidente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
