Estamos na época de maiores compras do ano. Todos queremos sorprender aos nosos seres queridos cos agasallos nestas datas. E non se me ocorre mellor lugar para mercar que calquera vila da Mariña. Temos comercios de todo tipo, atendidos por grandes profesionais dispostos a asesorarnos co mellor e máis natural e real dos sorrisos. Eu quero que me sorrían as persoas non os cartóns, sinceramente.
Vivimos nun mundo globalizado no que o pequeno comercio, no que os autónomos, temos a obriga de reinventarnos todos os días para non perder un tren que circula a velocidade vertixinosa, o da dixitalización, as novas tecnoloxías e a venda online. Pero contamos cunha ferramenta insubstituíble: as persoas que están detrás dos mostradores dispostas a atendernos da mellor maneira posible cando traspasamos a porta da súa tenda. E outro aspecto moi importante: poder ver e tocar en vivo e en directo os produtos. Cada día saen á luz máis novas de compras feitas a través de grandes plataformas que ou non chegan en debidas condicións ou hai casos nos que pretenden darlle ao cliente gato por lebre. Antes de coller o móbil ou outro dispositivo para mercar por internet pensemos no noso pobo, na nosa comarca.
Son os comercios, son os bares, son os restaurantes, son os servizos, somos os autónomos da Mariña e das súas vilas os que facemos pobo. Sen nós, sen o noso esforzo e o traballo diarios, moitos concellos estarían mortos a día de hoxe. E non debemos permitir que iso ocorra. Vivimos nun auténtico paraíso, lonxe de grandes ruídos, de contaminacións, de atascos, de estrés. Tod@s xunt@s debemos apostar e defendelo noso, o que temos a carón da casa e que nos da ese plus diferencial e de calidade. Sigamos apoiando e apostando duro polo comercio mariñao no 2025. Feliz Ano!!!
Carmen Cruzado (presidenta da FCAM)
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
