O Presidente e o responsable do colectivo asinaron un acordo de colaboración no
Pazo de San Marcos a través do que o institución provincial contribúe a que o colectivo poida desenvolver o programa de atención integral en esclerose múltiple
Lugo, 30 de decembro de 2024. O Presidente da Deputación de Lugo, José Tomé Roca, asinou copresidenteda Asociación Lucense de Esclerose Múltiple (ALUCEM), Pablo Miranda Lage, un convenio de colaboración por un importe superior a 10.000€ co obxectivo demellorar a calidade de vida dos 86 usuarios e usuarias que padecen esta enfermidade na provincia. Esta achega permite á entidade desenvolver o seu programa de atención integral en esclerose múltiple, que se centra na mellora da autonomía e benestar das persoas afectadas por esta enfermidade e fibromialxia a través de sesións de fisioterapia e neurorehabilitación.
José Tomé subliñou a importancia de continuar ofrecendo este servizo e destacou o compromiso da Deputación co tecido social da provincia, afirmando que “desde a institución provincial sempre apoiamos as iniciativas que melloran a calidade de vida das persoas máis vulnerables”. Con esta nova colaboración con ALUCEM,“damos un paso máis no apoio ás persoas afectadas por esclerose múltiple, garantindo que poidan acceder a servizos fundamentais para mellorar a súa autonomía e benestar”. Destacou ademais que “seguiremos apoiando a estas entidades para que poidan seguir desenvolvendo os seus programas, que son claves para mellorar a vida das persoas da nosa provincia”.
O programa de ALUCEM ofrece sesións de fisioterapia que traballan aspectos fundamentais como a mobilidade, o equilibrio e a forza muscular, favorecendo a autonomía persoal. Ademais, o proxecto inclúe apoio social a través dun traballador social que realiza unha valoración das necesidades individuais, coordina os recursos terapéuticos e proporciona orientación tanto ás persoas afectadas como ás súas familias. Este enfoque integral e adaptado permite unha atención máis completa e eficaz, mellorando a vida das persoas usuarias e tamén aliviando a carga das súas coidadoras.
ALUCEM foi creada no ano 1996 por un grupo de persoas interesadas en mellorar o coñecemento e a investigación sobre a esclerose múltiple. Desde entón, a asociación ten como obxectivo principal ofrecer un proceso rehabilitador ás persoas afectadas, mellorar o seu benestar e promover un estilo de vida activo. Na actualidade, ALUCEM atende a 86 usuarios, na maioría mulleres, e continúa traballando para mellorar a calidade de vida deste colectivo.
A esclerose múltiple é unha enfermidade autoinmune que afecta o sistema nervioso central e cuxa causa segue sendo descoñecida. Os factores xenéticos involucrados aínda están por identificar. O diagnóstico adoita realizarse entre os 18 e os 40 anos e presenta síntomas como neurite óptica, fatiga e perda de sensibilidade, que se manifestan en forma de brotes. Nos últimos anos, os tratamentos avanzaron de xeito significativo, incluíndo inmunosupresores e terapias innovadoras como o transplante de medula ósea.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
