Esixen á Consellería de Sanidade e á Xerencia da Área Sanitaria de Lugo-A Mariña-Monforte, que exerzan súas competencias e que empregue os recursos necesarios para garantir unha atención sanitaria de proximidade
Burela, 15 de xaneiro, 2025. CIG Saúde alerta do incesante desmantelamento do Hospital da Mariña. Si a finais do 2024 denunciaban a falta de Cardiólogos, Dixestólogos e Urólogos, hoxe alertan da demoledora situación na que se atopa o servizo de Medicina Interna coa súa capacidade reducida á metade.
Segundo a Central Nacionalista, o Hospital da Mariña debera estar dotado de cando menos 14 médicos especialistas en Medicina Interna para cubrir as necesidades dunha comarca con mais de 72.000 habitantes e poder ofertar un servizo de calidade cubrindo as seguintes necesidades:
1.-Dúas consultas diarias activas.
2.- Optimización do uso de antibióticos de pacientes ingresados
3.- Asistencia compartida con outras especialidades
4.- Hospital de Día de Medicina Interna
5.- Atender aos pacientes ingresados a seu cargo.
6.- Cubrir as gardas médicas da especialidade.
CONSECUENCIAS DA FALTA DE MÉDICOS INTERNISTAS
A central sindical explica que, a falta de especialistas en Medicina Interna que vén arrastrando de xeito constante este centro hospitalario, a data de hoxe 5 efectivos a xornada completa das 10 prazas dotadas, para atender urxencias, consultas externas e pacientes ingresados, sumado á alta ocupación de pacientes a cargo de Medicina Interna (superando os 60 pacientes ingresados en días pasados) e a sobrecarga xerada pola falta de facultativos do aparello dixestivo e de cardiólogos así como a falla de oncólogos que asuman pacientes ingresados, provoca:
– Que se incumpran os cocientes recomendábeis para ofertar unha atención de calidade (8 pacientes ingresados por especialista), chegando a ter asignados cada un dos especialistas ata 18 pacientes por quenda, unha cifra totalmente inadmisible que pon en risco a saúde tanto dos pacientes como dos propios profesionais.
– A desprogramación das consultas. Péchanse as dúas consultas de Medicina interna disparando os tempos de agarda para consultas, tanto primeiras como revisións, a cifras mais que preocupantes. Segundo os datos do primeiro semestre do 2024 publicados polo SERGAS, a media de espera no HULA ou en Monforte é de 10-15 días mentres en Burela a espera é de 4 meses, 121 días. Dos 248 pacientes de todo o SERGAS con esperas de entre 3 e 6 meses, 225 son da Mariña e, pacientes en todo o SERGAS con esperas de 6 a 12 meses, figuran rexistrados 187 os cales todos son da Mariña.
– Desprázanse pacientes da Mariña a consultas de Medicina Interna que son programadas no HULA.
– Derívanse ao HULA pacientes de Medicina Interna que requiren de ingreso
PACIENTES DA MARIÑA INGRESAN NO HULA POR FALTA DE INTERNISTAS
Dende CIG-Saúde denuncian novamente que, dende a semana pasada, estanse derivando cara ao Hospital de Lugo (HULA) pacientes de Medicina Interna que requiren de ingreso por que non se dota ao centro dos médicos internistas necesarios para asumir as necesidades asistenciais da comarca. Nos últimos meses, 6 internistas e 2 xeriatras abandonaron o hospital e, a día de hoxe, temos 5 internistas sen cubrir (unha a media xornada) e das dúas xeriatras nada se sabe.
A situación de abandono absoluto no que se atopa o Centro Hospitalario e a veciñanza da Mariña ten responsables. Tanto a Dirección do Hospital da Mariña como o Xerente da Área Sanitaria como o propio Conselleiro son responsables da DEMOLEDORA situación na que se atopa a Sanidade na Mariña. Dende CIG-Saúde non admitimos que estes xestores nos digan que “si a CIG sabe onde hai médicos que nolo digan” xa que son estes dirixentes os que cobran, e non pouco, por dotar do persoal necesario ao centro hospitalario. E tampouco admitimos que “isto non ten solución porque non hai médicos” xa que médicos si que os hai. O que acontece e que logo de vivir un tempo sobrecargadas de traballo e perder toda esperanza de que a situación mude dada a ineficiencia das Direccións da Mariña e de Lugo, escapan cara outros hospitais onde son mellor acollidas e lles ofertan condicións laborais mais atractivas. De aí que 6 Facultativas Internistas e 2 Xeriatras deixasen o hospital da Mariña nos últimos meses, sentencian dende a CIG.
“Dende a Central Nacionalista volvemos a berrar onde están os MAIS E MELLORES SERVIZOS que falsamente nos venderon. Este é o froito das políticas sanitarias do Partido Popular polas cales atopámonos con menos e peores servizos, máis derivacións e ingresos no HULA de pacientes da Mariña, máis listas de agarda e a imposibilidade de garantir una sanidade equitativa, digna e de proximidade a todas e todos os que vivimos na Mariña”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
