A Xunta de Goberno aprobou este venres a convocatoria dunha nova edición desta iniciativa que desde a súa creación no 2021 “xerou un importante retorno económico que superou os 600.000 euros, o que evidencia o seu éxito, ano tras ano, tanto na promoción do turismo local como no impulso á economía da nosa provincia”
Lugo, 17 de xaneiro de 2025. A Deputación de Lugo vén de aprobar a convocatoria para a quinta edición do programa Coñece a túa Provincia, que neste 2025 ofrecerá un total de 3.036 novas prazas de viaxes gratuítas. Esta iniciativa vai dirixida a entidades asociativas sen ánimo de lucro de calquera dos 67 concellos da provincia de Lugo, co fin de promover o turismo de proximidade e impulsar a dinamización económica local.
O Deputado de Promoción Económica e Social, Pablo Rivera Capón, anunciou que a Xunta de Goberno aprobou este venres a nova edición do programa e destacou que, desde a súa creación no 2021, “xerou un importante retorno económico superior aos 600.000 euros”. Este dato, afirmou, “evidencia o éxito da iniciativa, tanto na promoción do turismo local como no impulso á economía da provincia”.
O prazo para presentar as solicitudes comezará o 23 de xaneiro, ás 12:00 horas, e rematará o 3 de febreiro. As bases do programa serán publicadas no Boletín Oficial da Provincia (BOP) o 22 de xaneiro, onde se recollerán as condicións e os requisitos para participar.
Este ano, o programa mantén os 44 itinerarios turísticos por toda a provincia, pero tamén inclúe unha importante novidade: 7 rutas accesibles para persoas con mobilidade reducida, o que reforza o carácter inclusivo e accesible da iniciativa. As excursións concedidas cubrirán todos os aspectos necesarios para gozar dunha experiencia completa, incluíndo transporte, seguros de viaxeiros, menú de xantar, entradas a lugares de interese e a presenza dun guía oficial habilitado durante todo o percorrido.
As solicitudes serán admitidas por orde de presentación, segundo o número de rexistro de entrada, ata esgotar as prazas dispoñibles. A relación de entidades admitidas, excluídas e en lista de agarda será publicada tamén no Boletín Oficial da Provincia.
Fomento do turismo de proximidade e impulso á economía local
A Deputación de Lugo segue apostando pola dinamización do turismo de proximidade coa consolidación desta iniciativa. “O Coñece a túa Provincia é unha ferramenta clave para fortalecer o sector turístico e apoiar aos colectivos sen ánimo de lucro que traballan na dinamización das comunidades rurais e da hostalaría local, facendo de Lugo un referente de turismo accesible e sostible”, destacou Pablo Rivera Capón.
As solicitudes deberán presentarse a través da sede electrónica da Deputación, na ligazón https://sede.deputacionlugo.org/opencms/opencms/sede. Tamén se poderá presentar a solicitude no Rexistro Xeral da Deputación de Lugo, onde se realizará a comprobación dos datos identificativos da persoa física ou xurídica.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
