Cervo, 16 de xaneiro de 2025. No marco do programa de Agrupaciones de Centros Educativos do Ministerio de Educación, o proxecto “Cada gota cuenta” continúa a súa andaina co obxectivo de mellorar a práctica docente e sensibilizar á comunidade educativa sobre a importancia do uso responsable da auga. Entre o 13 e o 16 de xaneiro, dúas mestras do CEIP de Cervo participan na primeira mobilidade de profesorado, realizada no CEP Antonio de Ulloa de Cartagena, en Murcia, onde se está a levar a cabo un enriquecedor intercambio de experiencias.
Ao longo de tres intensas xornadas, o profesorado adquire formación sobre distintos aspectos clave, como un proxecto de investigación sobre a ansiedade infantil ante as matemáticas, obradoiros de linguaxe de signos (LSE), talleres de estimulación fonolóxica para infantil e introdución ao pensamento computacional a través de actividades de robótica. As actividades, ademais de mellorar as competencias docentes, tamén teñen como fin a sensibilización sobre a sustentación e o uso responsable da auga.
O proxecto “Cada gota cuenta” non se limita só ao CEIP de Cervo e ao CEP Antonio de Ulloa, senón que tamén conta coa participación de centros educativos de diferentes localidades como o CRA Lena (Asturias), CEIP Tagoror (Gran Canaria) e o CEIP Pintor Sorolla de Elda (Alicante). Durante este período, os centros tamén programan iniciativas de sensibilización como a integración curricular do aforro de auga, a creación de Brigadas Verdes do alumnado e a difusión de mensaxes de conciencia polo Concello de Cervo, no caso do centro da nosa zona.
O proxecto culminará cunha convivencia en maio de 2026 nos Pirineos, onde os estudantes compartirán as súas experiencias e reforzarán os seus coñecementos sobre o desenvolvemento sostible, en liña cos ODS da axenda 2030. O lema do proxecto, “Cada gota cuenta”, reflicte a convicción de que cada pequena acción individual contribúe á protección do noso planeta.
O proxecto “Cada gota cuenta” é un exemplo claro de como a colaboración educativa e a acción responsable poden ter un impacto positivo na sociedade, implicando a toda a comunidade escolar na mellora do entorno e no respecto polo medio ambiente.
Os concertos serán os xoves ás 20:30 h e incluirán propostas variadas como The Swinging Flamingos, Terrae & Nastasia Zürcher, César de Centi, Silvia Penide, Bela Clarlo, Disquetera e unha sesión especial de DJ Mr. Fishman o 11 de agosto. O Concello destaca que esta iniciativa busca dinamizar os espazos públicos, ampliar a oferta cultural do verán e converter a alameda nun punto de encontro para veciñanza e visitantes.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
O evento, organizado por O Arco da Vella coa colaboración do Concello de Barreiros e o CEIP San Miguel, contará coa participación dos grupos ACF Gamelas e Anduriñas de Espasante e O Arco da Vella de San Miguel de Reinante. Antes do festival haberá un pasarrúas con saída desde a Praza do Souto.
A actividade puxo o broche final ao Programa Integral de Envellecemento Activo Municipal cunha charla sobre a xestión emocional das enfermidades neurodexenerativas, impartida pola psicóloga Carmen Breijo, da Fundación Degén, quen ofreceu un espazo de reflexión, aprendizaxe e orientación. A sesión contou tamén coa presenza do concelleiro Alfredo Fernández, que destacou a importancia de crear espazos de participación, coidado e benestar para as persoas maiores. O Concello agradeceu a colaboración da Asociación de Xubilados Terramar e da Fundación Degén, así como a participación de todas as persoas asistentes.
No acto acompañará ao autor o filólogo e escritor Ramón Reimunde.
Trátase dun proxecto educativo pioneiro en Galicia que traballa a autoestima, a motivación e as intelixencias múltiples. A directora, Raquel Hermida, salienta que o programa busca fomentar o talento infantil a través de experiencias novas, traballo en equipo, creatividade e proxectos de emprendemento. A escola funcionará de 8:00 a 15:00 horas para facilitar a conciliación e ofrecerá talleres de oratoria, comunicación e intelixencia emocional, ademais de reforzo escolar, novas tecnoloxías e mecanografía. As persoas interesadas poden obter máis información no teléfono 982 58 50 98 ou no correo raquel@amarina.org.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
