Viveiro, 14 de xaneiro, 2025. O Bloque Nacionalista Galego de Viveiro, a través da súa portavoz e tenente de alcaldía, Míriam Bermúdez García, presentou no pleno municipal unha moción dirixida a abordar a situación crítica que atravesa a lingua galega e a promover medidas concretas para a súa normalización.
A portavoz do BNG destacou os preocupantes datos feitos públicos recentemente polo Instituto Galego de Estatística, que revelan o descenso drástico no uso habitual do galego e o aumento da porcentaxe de nenas e nenos que non son quen de expresarse nesta lingua. “Esta situación, froito de quince anos de políticas discriminatorias do Partido Popular na Xunta de Galiza, urxe a adopción de medidas contundentes e eficaces para reverter o abandono institucional ao que foi sometida a nosa lingua propia”, sinalou Míriam Bermúdez.
A moción, que insta ao Concello a asumir un papel activo na promoción do galego, inclúe os seguintes acordos:
1. Reafirmar a defensa da lingua galega como patrimonio colectivo e dereito fundamental da poboación galega.
2. Revisar a actuación do Concello en materia lingüística, adaptándoa á normativa vixente e promovendo o uso do galego como lingua propia de Galiza.
3. Adherirse á Plataforma Queremos Galego, apoiando activamente as iniciativas sociais que esta promove en defensa e afirmación da nosa lingua.
4. Trasladar os acordos plenarios ás institucións competentes, como o Parlamento de Galiza, a Consellaría de Cultura, Lingua e Xuventude, e á propia Plataforma Queremos Galego.
Beatriz Lage, responsable local do BNG, manifestou o seu apoio contundente á moción: “A normalización do galego non é só unha responsabilidade política, é tamén unha cuestión de xustiza histórica e de compromiso co noso futuro como pobo. É o momento de que Viveiro dea un paso adiante”.
“Desde o BNG queremos deixar claro que o galego ten futuro, pero ese futuro depende da vontade colectiva da nosa sociedade, comezando polas administracións públicas, que deben ser as primeiras en asumir o compromiso coa normalización do idioma”, afirmou Bermúdez.
O BNG de Viveiro anima a toda a veciñanza a sumar esforzos e compromiso para garantir que o galego siga vivo, presente e transmitido ás xeracións futuras, como parte fundamental da nosa identidade colectiva.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
