Instan á alcaldía a dar unha resposta inmediata a este grave problema
Cervo, 9 de xaneiro de 2025 Os concelleiros do BNG no Concello de Cervo, Diego Fernández e Zulema Murado reclaman ao equipo de goberno que actúe con urxencia para solucionar o grave problema que afecta aos veciños co servizo de telefonía. Segundo denuncian os veciños, levan máis dun mes sen cobertura móbil, o que está a deixar a boa parte da poboación sen acceso a un servizo básico.
“Este é un exemplo máis da apatía e desatención do equipo de goberno do Partido Popular ante os problemas reais dos veciños e veciñas do noso municipio”, afirmou o portavoz do BNG Diego Fernández. “A Senra leva máis de 30 días sen cobertura móbil, o que supón un illamento total para os seus habitantes, xa que non só afecta á comunicación persoal, senón tamén ás situacións de emerxencia, aos servizos bancarios e ao acceso á información en tempo real. Non é de recibo que un servizo básico como a cobertura móbil non se restableza despois de máis dun mes de danos”, engadiu.
Falta de xestión da alcaldesa e o goberno municipal
O BNG considera que este tipo de problemas son un claro exemplo da falta de planificación e xestión do actual goberno municipal, que non foi quen de dar solución a unha situación que afecta directamente ao benestar dos veciños da zona.
“O equipo de goberno non pode seguir mirando para outro lado. Os veciños de Senra precisan dunha resposta inmediata. Esiximos que se poñan en marcha as medidas necesarias para restablecer canto antes a cobertura móbil. Non é de recibo que no século XXI se sigan producindo estes problemas de comunicación sen que actúe o goberno municipal”, subliñan os nacionalistas.
O BNG anunciou que levará esta problemática á próxima sesión do pleno municipal, coa intención de adoptar medidas concretas e dar unha resposta clara á cidadanía de Senra.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
