Viveiro, 21 de xaneiro de 2025. A Tenencia de Alcaldía de Viveiro lembra a prohibición de depositar residuos fóra dos puntos estipulados para tal fin. Faino logo de limpar da parcela das Nogueiras, na que empresas e particulares estiveron depositando todo tipo de restos e enseres.
Dende a Tenencia de Alcaldía e a Concellería de Medio Ambiente subliñan que a veciñanza ten a obriga de empregar o renovado Punto Limpo do municipio, situado en Patarroa-Escourido, para evitar este tipo de situacións.
“O das Nogueiras é un sitio donde a xente, dende particulares a empresas, estaba a deixar de todo, tanto restos de poda, como palés ou electrodomésticos”, lamenta a tenenta de alcaldesa Míriam Bermúdez.
A tamén responsable da área de Medio Ambiente sinala que “a ordenanza é clara nestas situacións, a xente ten que ir ao punto limpo e as empresas xestionar os seus propios residuos que derivan da súa actividade mediante un xestor”.
“Agora, a parcela das Nogueiras xa está limpa, e pedimos a colaboración da veciñanza de Viveiro para garantir que así siga, evitando os prexuízos medioambientais e estéticos derivados da situación anterior”, engade.
A nova ordenanza de Convivencia, Limpeza e Residuos contempla sancións leves de entre 50€ e 750€, graves de entre 751€ e 1.500€ e moi graves de entre 1.501€ e 3.000€ dependendo da severidade da infracción.
O Punto Limpo de Patarrosa-Escourido funciona no seguinte horario: luns de 08:00 a 14:00 e de 15:00 a 19:00, os martes e xoves de 09:00 a 13:00 e de 15:00 a 19:00, os mércores e venres de 8:00 a 14:00 e os sábados de 10:00 a 13:00, estando pechado o cuarto sábado de cada mes.
Ademais, o Concello conta cun servizo de recollida a domicilio de residuos voluminosos como mobles, electrodomésticos e ata restos de poda de gran volume. Só é necesario solicitar a recollida chamando ao número de teléfono 697 162 637.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
