Alfoz, 24 de xaneiro de 2024. No pleno celebrado este xoves no Concello de Alfoz, aprobouse por unanimidade a moción presentada polo Grupo Municipal de VIA Alfoz para instar ao Ministerio do Interior a realizar obras de reforma e rehabilitación na Casa Cuartel da Garda Civil de Ferreira do Valadouro. Ademais, incluíuse no acordo unha solicitude de incremento de recursos persoais para o cuartel.
A moción destaca a importancia desta infraestrutura para garantir a seguridade cidadá nos concellos de Alfoz e O Valadouro, sinalando o deterioro actual das instalacións, que dificulta a prestación óptima do servizo. Entre os problemas identificados inclúense o illamento térmico insuficiente, o deterioro xeral e a necesidade dunha mellor redistribución dos espazos para garantir a funcionalidade e comodidade do persoal.
A Casa Cuartel de Ferreira, recoñecida como o cuartel máis antigo da provincia de Lugo, precisa dunha rehabilitación integral para asegurar a súa habitabilidade e ecoeficiencia. O Grupo Municipal de VIA Alfoz destacou que, malia que no ano 2019 se anunciaran investimentos nesta infraestrutura por parte da Subdelegación do Goberno en Lugo, estes non chegaron a executarse, agravando o deterioro co paso do tempo.
O acordo adoptado inclúe os seguintes puntos:
1. Solicitar ao Ministerio do Interior que leve a cabo obras de reforma e rehabilitación na Casa Cuartel, garantindo a súa adecuación funcional e ecoeficiencia.
2. Demandar un incremento de recursos persoais asignados ao cuartel para reforzar o servizo de seguridade cidadá na comarca.
3. Trasladar o acordo ao Ministerio do Interior, á Delegación do Goberno en Galicia, á Subdelegación do Goberno en Lugo e ao Concello do Valadouro.
Desde a Alcaldía de Alfoz tamén se anunciou a intención de solicitar unha reunión coa Subdelegada do Goberno en Lugo para abordar esta situación e avanzar na busca de solucións.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
