“É evidente o fracaso do bipartito en Foz, non só pola ruptura entre PSOE e BNG, senón tamén pola inoperante xestión administrativa”, sinala o voceiro do PP de Foz, Javier Castiñeira
Foz, 29 de xaneiro de 2025. O Partido Popular crítica a nula capacidade de traballo e de xestión do goberno socialista de Foz. Así se demostra na falta de propostas do equipo de goberno na convocatoria do pleno que se celebrará mañá.
“É evidente o fracaso do bipartito en Foz, non só pola ruptura entre PSOE e BNG, senón tamén pola inoperante xestión administrativa e proba diso é que nestes dous últimos meses transcorridos non teñen ningún asunto que propoñer ao pleno que se celebrará este xoves”, sinala o voceiro do PP de Foz, Javier Castiñeira.
Moción do Partido Popular
O PP de Foz é o único grupo que presenta unha moción para debater sobre a economía municipal e propoñerlle ao Goberno de Sánchez que posibilite legalmente o uso dos remanentes orzamentarios por parte dos concellos, é dicir, que os municipios como Foz poidan “tirar” dos aforros xerados no seu día, como pasou entre os anos 2011 e 2019 durante un goberno local do Partido Popular, e dado que actualmente a economía municipal non pasa polo seu mellor momento segundo arroxan as liquidacións de exercicios anteriores e o incremento do período de pago a empresas e asociacións.
“Presentamos esta moción por dous motivos. En primeiro lugar, para darlle unha oportunidade ao señor alcalde de explicar a lamentable situación de impagos creada no 2024 que levou á merma de servizos como o punto limpo, ou para que diga en que investiu os centos de miles de euros que recadou de máis pola suba dos impostos e taxas municipais; queremos saber da economía do Concello dado que, ao non presentar os orzamentos para o 2025, non sabemos a situación real e o estado das contas que xa deberían estar aprobadas. E en segundo lugar, queremos seguir a aportar solucións polo que vamos a pedirlle ao Goberno do Estado que nos deixe xestionar os remanentes posto que Foz, ao igual que o Goberno de Sánchez, segue sen orzamentos o que implica que o Concello non poida dispor de recursos propios, como os remanentes, para sacar adiante investimentos necesarios”, explica Javier Castiñeira.
En todo caso, é moi ilustrativo que no pleno unicamente vaian iniciativas do Partido Popular que parece ser o único interesado en “tirar do carro” do Concello de Foz.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
