Madrid, 23 de xaneiro de 2025. A Mancomunidade de Concellos da Mariña Lucense presentou esta tarde en FITUR a súa nova campaña de comunicación interna A Mariña latexa contigo, que supón unha mirada ao territorio a través da visión única e emocionante dos seus veciños e veciñas.
O evento tivo lugar no stand de Galicia, ante autoridades, turoperadores, prensa especializada e profesionais do sector, que tiveron a oportunidade de coñecer de primeira man esta acción de comunicación coa que a Mancomunidade da un paso máis na posta en valor do territorio.
Interviron na presentación a vicepresidenta da Mancomunidade, Ana Ermida Igrexas; o delegado territorial da Xunta en Lugo, Javier Arias Fouz; o delegado do Goberno en Galicia, Pedro Blanco Lobeiras; e o presidente da Deputación de Lugo, José Tomé Roca.
Testemuños da veciñanza
A Mariña latexa contigo componse dun audiovisual principal, que foi proxectado en FITUR, e que recolle os testemuños de veciños e veciñas dos 16 concellos da Mariña. Desde unha visión moi persoal achégannos aos seus municipios, ao seu territorio, describindo os recursos e experiencias más salientables de cada lugar e conformando así un quebracabezas visual cheo de agarimo e autenticidade.
Trátase de poñer o foco nas persoas e de darlle á xente da Mariña o protagonismo que merece, porque elas son o corazón e o latido dun territorio e, tal como comentaba a vicepresidenta da Mancomunidade, “que sería dun territorio sen persoas que o amen?”.
Na súa intervención, Ana Ermida explicou que “se trata dunha iniciativa coa que dar visibilidade e involucrar á poboación local, estreitar lazos e resaltar a riqueza cultural, natural e social da Mariña”.
A campaña contará tamén con outras pezas audiovisuais e gráficas específicas para cada un dos concellos, para a súa difusión a través das canles corporativas e institucionais, que contribuirán a poñer en valor a oferta turística de cada lugar. “Encántanos contarlle ao mundo a través de Paquita, Saúl, Xoán -ou calquera das 64 persoas que participamos nesta campaña- eses valores e recursos que fan tan especial A Mariña”, compartiu emocionada.
A vicepresidenta da Mancomunidade aproveitou para darlles as grazas a todos os veciños e veciñas participantes, “por compartir con todos a súa mirada única sobre o territorio”. Ao mesmo tempo salientou que, “aínda con toda a beleza das nosas paisaxes, está claro que o mellor da Mariña é a xente”.
Accións para 2025
A campaña presentada hoxe forma parte do Plan de Sostibilidade Turística que desenvolve a Mancomunidade e cofinancia esta mesma entidade xunto á Xunta de Galicia e á Secretaría de Estado de Turismo, co obxectivo de impulsar e consolidar un turismo máis sostible, responsable e de calidade. Ana Ermida fixo referencia ás diferentes accións postas en marcha ao abeiro deste plan e avanzou que moitas delas comezarán a ser visibles no 2025, logo de tempo de traballo, como a Ruta Pardo de Cela, o Camiño do Mar, a Rede de Rutas de Sendeirismo da Mariña, o Centro BTT Galicia, a formación en turismo ornitolóxico ou encontro NatureWatch de observación da natureza, previsto para marzo.
Ana Ermida tamén lembrou algúns dos proxectos desenvolvidos ao longo de 2024: “activamos a campaña Toma o teu tempo, consolidamos produtos turísticos integradores como os 16 Plans con Corazón e os Obradoiros con Corazón e puxemos en marcha un programa de actividades de Xeoturismo para promover os incribles recursos xeolóxicos da comarca. Avanzamos coas accións do Plan Director de Turismo Gastronómico, que motivou a creación dun colectivo propio e que organizou as xornadas Amodo, en cuxo contexto foi entregado o I Premio Merlín a Lucía Freitas e ao seu proxecto Amadas a Terra”.
A vicepresidenta da Mancomunidade de Concellos da Mariña Lucense tamén aludiu ao compromiso coa calidade turística “con 42 empresas distinguidas e abrindo necesarios espazos de encontro público-privados a través do SICTED”.
E engadiu: “instalamos 11 contadores de persoas para analizar a capacidade de carga dos nosos recursos máis sensibles. E establecemos interesantes colaboracións que fortalecen a visibilidade do noso destino e das nosas empresas máis sostibles, a través de Galicia Destino Sostible e o Corredor de Ecoturismo da España Verde”.
A primeira sesión, de 11:00 a 12:30 h, contará cun autor asturiano destacado polo seu traballo arredor do mundo rural e da cultura campesiña. A actividade é aberta, participativa e gratuíta ata completar aforo.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Na presentación participaron o delegado territorial da Xunta, Javier Arias; o Deputado de Cooperación e Asistencia aos Concellos, Xosé María Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
