Ribadeo, 18 de xaneiro de 2025. Teatro, danza, musicais e actividades para celebrar os Días de Rosalía e o 8M compoñen a axenda cultural de Ribadeo do primeiro trimestre deste 2025.
A concelleira de Cultura, Begoña Sanjurjo, dixo que “os eventos culturais desenvolvéronse xa desde principio de xaneiro. Agora, pasada a resaca do Nadal, queremos dar conta do que nos agarda ata acabar o trimestre”.
A edil ribadense contou que “comezamos coa presentación de libros. Onte, venres, na biblioteca municipal El Viejo Pancho, a Agrupación Cultural Francisco Lanza convidou a Henrique Costas a falarnos da súa novela Entre a vontade e o destino, unha magnífica ocasión para entreternos e saber máis da Idade Media peninsular. A mesma entidade proponnos xa en febreiro coñecer a obra Entre nós e o Eo, escrito a dúas mans por Antón Cando e Beatriz Pin”.
Sanjurjo contou que “temos tamén dúas propostas de alumnado dos centros de ensino para axudar ao pagamento de viaxes de estudos. Hoxe, sábado, De tal Cuento tal Astilla fará un contacontos musical no Teatro e o grupo de teatro xuvenil El Cisne Negro porá en escena La moderna, dentro dos actos do 8M. Sen saírmos do ámbito infantil e xuvenil, o ciclo O Concello cos Coles achega a danza coa obra da Compañía de Marta Alonso, Nina Ninette. E a Área de Igualdade convida en febreiro a Pamela Palenciano coa súa proposta No sólo duelen los golpes”.
A concelleira de Cultura seguiu a relatar que “dentro da programación que o Concello ofrece en convenio coa Axencia Galega das Industrias Culturais achegamos dúas pequenas marabillas de compañías excepcionais. O Elefante Elegante con Kyoki e Os Náufragos con Hugo. A maiores tamén teremos ocasión de asistir a dúas pezas de musical para público familiar: La isla de Mavi, tributo a Vaiana, e De Simba a Kiara, tributo ao Rey León. O teatro para público adulto trae tamén dúas compañías de prestixio do teatro galego. Neste caso son Teatro do Noroeste con Guerra, e Sarabela Teatro con O dragón de ouro”.
E engadiu: “no apartado das artes plásticas poderemos ver na sala da Oficina de Turismo Historia dun mariñeiro con debuxos, gravados e acuarelas de Teresa Esra. Canto á música, dúas propostas moi diferentes. Os dous eventos do Ciclo Galiñeiro, organizados pola Asociación Cultural Catro Caños, que reúne as actuacións de Aneuma & Special Guest Stars e os ribadenses Kornucopia. A outra suxestión, moi diferente, é Hora Zero, música de tango a cargo do Quinteto Lunfardo”.
A axenda do primeiro trimestre de 2025 inclúe o Entroido, o Día de Rosalía e o 8M: “a maiores, temos días fixos no trimestre. Como non, o Entroido, cunha programación que será obxecto dunha presentación concreta, e por outra banda, o 23 de febreiro, o Día de Rosalía, unha data que será obxecto de celebración por parte do Concello e na que a Agrupación Cultural Francisco Lanza deseña este ano un xantar de caldo de gloria, acompañado dun recital de obra da autora no tempo da sobremesa. Tamén o 8 de marzo, Día Internacional da Muller, conta con propostas da Área de Igualdade. Entre elas o interesante proxecto Perpetuando, da Escola de Imaxe e Sonda DA Coruña, que xoga coa interacción entre o público e fotografía de artistas como Man Ray ou Mapplethorpe”.
Begoña Sanjurjo agarda que “todas estas propostas sexan do agrado de toda a veciñanza de Ribadeo e visitantes. Ben seguro que irán aparecendo outras máis das que iremos dando conta semanalmente”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
