“Pola resurrección da nosa sanidade” é o lema da mobilización que centra as reivindicacións na alarmante situación tanto do hospital coma da atención primaria na Mariña
Viveiro,19 de febrero de 2025. A Plataforma Sanitaria da Mariña ven de presentar hoxe en rolda de prensa a manifestación que terá lugar o próximo mes de marzo, o domingo 23 ás 12 horas, que sairá da Cruz Vermella e tras atravesar a Ponte da Misericordia , terá remate diante do Centro de Saúde, onde se dará lectura a un manifesto.
Á rolda de prensa asistiron representantes dos colectivos que fan parte da plataforma e a portavoz da mesma, Montse Porteiro recordou a situación que se está a vivir nos centros de saúde en xeral, máis afirmando que nestes momentos a zona occidental da Mariña é o punto con máis déficits na atención sanitaria pola falta de persoal . De igual xeito fixo fincapé na situación de colapso que está a sufrir o hospital da Mariña, con serios déficits de profesionais de múltiples especialidades como cardioloxía , medicina interna, dixestivo ou uroloxía , entre outras, e que fan que as derivacións cara a Lugo sexan masivas nestes momentos. Estes son “os máis e mellores servizos dos que falaba Balseiro, burlándose das e dos mariñaos”.
Viveiro abandonado pola Xunta nestes momentos
Porteiro fixo especial fincapé na situación do centro de saúde de Viveiro, a vila máis grande da Mariña, abandonada pola Xunta nun tema tan importante como a sanidade, ao permitir que un centro onde existe unha dotación de once médicxs de familia leve anos sen estar cuberto na súa totalidade e que en ocasións atopemos que únicamente está o cincuenta por cen da plantilla ou menos. Deuse o caso máis dunha vez “de un/ha soa médica no centro, co que solo podía atender as urxencias e as persoas que tiñan citas concertadas quedaron sen poder ser atendidas, algo que entra en conflito cos principios da Atención Primaria”. Respecto ao servizo de pediatría a portavoz do colectivo lembra que continúa a día de hoxe ao cincuenta por cen, máis asegura “ que as dúas concentracións máis multitudinarias do país demandando pediatras fixéronse en Viveiro,e provocaron a cobertura dunha praza por parte do Sergas”.
Chamamento a toda a sociedade mariñá
Desde a Plataforma Sanitaria da Mariña facemos un chamamento ao tecido asociativo cultural, deportivo, ao comercio, ao tecido empresarial , ao ensino, aos sectores produtivos como a pesca, o agro e forestal, ás asociacións de pais e nais, ao persoal da sanidade, aos gobernantes da cidade e das localidades, a toda a sociedade mariñá a que acudan a esta manifestación que encherá as rúas de Viveiro para facerlle saber ao goberno da Xunta e ao Sergas que seguimos a loitar por unha sanidade de calidade, digna, de proximidade, gratuíta, integral e integradora e que a Mariña non se rende, como xa deberan saber.
Actos informativos previos á mobilización
O colectivo sanitario tamén anunciou que previamente á manifestación realizarán actos informativos en diversos formatos noutras localidades sobre a situación da sanidade na comarca, actos nos que se está a traballar e que en breve serán anunciados.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
