Foz, 8 de febreiro de 2025. A Aula Universitaria da UNED en Foz anuncia a apertura do prazo de matrícula para o segundo cuadrimestre do curso académico, que se estende dende o 3 de febreiro ata o 11 de marzo. Esta convocatoria ofrece unha nova oportunidade para aquelas persoas que desexen iniciar ou continuar os seus estudos superiores coa flexibilidade e calidade que caracterizan á Universidade Nacional de Educación a Distancia (UNED).
A UNED “destaca pola súa completa oferta académica, que abrangue graos, másteres oficiais, microtítulos, cursos de acceso para maiores de 25 e 45 anos, e incluso formación permanente. Grazas ao seu innovador sistema de ensino semipresencial, o alumnado pode compaxinar os seus estudos coa súa vida laboral e persoal, accedendo a recursos en liña, titorías personalizadas e apoio presencial na Aula de Foz”.
A coordinadora da Aula Universitaria da UNED en Foz, Marta Muiña, explica que “a UNED é a mellor opción para quen busca formación superior coa máxima flexibilidade. A nosa metodoloxía permite que cada estudante marque o seu propio ritmo de aprendizaxe, co respaldo dun equipo docente de primeiro nivel e a posibilidade de asistir a titorías na aula universitaria de Foz”.
Pola súa banda, a concelleira Elena Martínez subliñou a importancia de contar cunha institución como a UNED en Foz: “É un privilexio para a nosa comunidade dispoñer desta oferta educativa accesible, que brinda oportunidades de formación a persoas de todas as idades e circunstancias. Animamos aos nosos veciños a aproveitar esta oportunidade e continuar o seu crecemento académico e profesional”.
Para máis información sobre a oferta académica e o proceso de matrícula, os interesados poden dirixirse á Aula Universitaria de Foz, visitar a web oficial da UNED (www.uned.es) ou contactar a través do correo foz@lugo.uned.es e os teléfonos 982.133.699 ou 604.034.549.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
