Barreiros, 6 de febreiros de 2025. O Concello de Barreiros vén de lanzar unha campaña de comunicacións para lembrar a obriga de cumprimento da lei de incendios e da nova ordenanza para solo urbano e núcleo no relativo á prohibición da existencia de plantacións forestais.
A alcaldesa de Barreiros, Ana Ermida, explicou que se trata de “facer cumprir unha normativa tanto da Xunta como do Concello que ten como obxectivo protexer as persoas e os bens.” “Hai ben pouco que tivemos incendios ben próximos que nos amosaron a toda a sociedade a importancia de manter as vivendas e bens protexidos contra os posibles lumes e, nese sentido, é fundamental comezar a apartar a materia inflamable da beira de onde viven e traballan as persoas”.
Ao abeiro do convenio subscrito coa Xunta de Galicia para dar cumprimento á Lei de Incendios, o Concello de Barreiros puxo en marcha un sistema de notificacións personalizado a aquelas persoas titulares de plantacións forestais que incumpran a distancia a vivendas ou núcleos de poboación. Segundo a normativa autonómica, estes traballos deben realizarse antes do 31 de maio.
Ao mesmo tempo, o municipio barreirense lembra a entrada en vigor da nova ordenanza municipal na que tamén se prohiben plantacións forestais en solos urbanos ou de núcleo rural. Neste caso, o prazo para a retirada das especies forestais será ata o 30 de xuño.
A alcaldesa aclarou que se trata de “notificacións oficiais personalizadas nas que se lembra a obriga de cumprimento das normativas, os prazos e as consecuencias en caso de incumprimento.” Ana Ermida explicou tamén o procedemento que se seguiu no municipio barreirense, que se diferencia do seguido noutros concellos próximos: “nós optamos por notificacións escalonadas, continuadas no tempo, pero agrupadas por parroquias, de xeito que se facilita o acceso á información e a propia resolución de dúbidas que poidan existir. Deste xeito, nas vindeiras semanas irán chegando esas notificacións ás distintas parroquias, polo que quen coñeza xa esa obriga de retirada de plantacións forestais, pode ir xestionando os traballos”.
A rexedora di ser consciente de que “moitas veces as notificacións xeralizadas cun prazo moi escaso de execución non son realmente aplicables, por iso neste caso damos un prazo suficiente para poder cumprirse e mesmo organizar os traballos colectivamente o que facilita o cumprimento e garante que, de non cumprirse, será imputable unicamente á propiedade e, polo tanto, sancionable”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
