Ribadeo, 19 de febreiro de 2025. A Deputación de Lugo insiste en sancionar a Ribadeo. O Concello presentará alegacións por terceira vez a esa resolución. O alcalde, Dani Vega, acusa a PSOE e BNG de actuar con sectarismo.
O rexedor cualificou de “lamentable a actitude dos dous partidos que gobernan a Deputación, do Partido Socialista e do Bloque Nacionalista Galego. Insisten en multar aos veciños de Ribadeo. Sorpréndenos este ataque directo, sorprende aos técnicos municipais, así o están a trasladar, nunca viron tanto sectarismo político”.
Vega declarou: “dígoo, con total tranquilidade, pero enfadado e decepcionado. A política non é isto. A política non consiste en atacar ao rival político. A política é colaborar. Por iso faltan ao decoro institucional, aos principios constitucionais de colaboración entre administracións. A resolución é nula. Non teñen en conta as alegacións do Concello. Fáltanlle directamente ao respecto a todos os técnicos. Insúltanos á cara dicíndolles que todo o traballo que se fixo para eles non conta, porque trasládannos unha resolución onde nos din literalmente que o Concello non fixo alegacións. E o Concello ata en dúas ocasións fixo alegacións. Isto é unha falta de respecto ás institucións. Isto non se pode consentir. Isto é sectarismo tanto do PSOE, lamentando a súa actitude, como do BNG. É máis grave no caso do BNG porque aquí en Ribadeo alégranse desta sanción e así o repiten en todos os plenos que temos neste Concello, anunciando, por activa e por pasiva, que se ía sancionar ao Concello de Ribadeo”.
O alcalde ribadense dixo: “nosoutros lamentamos esta actitude. Nosoutros fixemos o que tiñamos que facer, baixo o cumprimento das nosas obrigas. Nosoutros escoitamos as demandas dos veciños, que nos trasladaban que todo estaba sen desbrozar e que había accidentes. No entorno da praia das Catedrais houbo varios accidentes. Cal é a resposta da Deputación? Ningunha. Nosoutros dixémoslle e preguntámoslle por unha planificación de limpeza e nunca se nos contestou. Volvémoslle a preguntar este ano e a día de hoxe non se contestou. Non hai ningunha programación na limpeza, na conservación das estradas da Deputación. E agora intentan sancionar ao Concello”.
Dani Vega subliñou: “nos xa anunciamos que volveremos presentar por terceira vez alegacións. E os técnicos municipais volven realizar os informes que naquel momento fixeron, tanto os técnicos de medio rural como os técnicos de infraestruturas e tamén informe da Policía Local. Polo tanto, non se pode permitir, non se pode consentir que se estea insultando a unha institución. Nosoutros vamos facer o noso traballo. E mais, estamos temendo que non se faga ningunha limpeza nesta primavera e neste verán por parte da Deputación, que volva acontecer que veñan limpar no mes de setembro. E iso non o vamos a consentir”.
O rexedor faise varias preguntas: “qué vai afacer a Deputación? Volvernos a sancionar? Por qué se sanciona ao Concello de Ribadeo e a Concellos da mesma cor política que limparon, que desbrozaron as pistas non os sancionaron? Falamos de Concellos da Mariña e da provincia. Por qué hai esa dobre vara de medir e ese ataque directo a Ribadeo? Desde o Concello non vamos permitir ningún ataque. Desde o Concello non vamos seguir unha estratexia lamentable do Partido Socialista e do Bloque Nacionalista Galego. Para Ribadeo cero e para os partidos onde estean gobernando tanto o PSOE coma o BNG si van axudar”.
Vega insistiu: “sempre o dixen e volverei a repetilo, as institucións, tanto a Deputación como as outras administracións, deben investir nos concellos, non poden escoller os concellos, non poden escoller onde se inviste. Iso é unha falta de decoro institucional, faltan a un principio constitucional e goberna o sectarismo”.
E pídelle á Deputación Provincial de Lugo que reflexione e mude de actitude: “pídolle á Deputación que reflexione, que non actúe con sectarismo e xa lle anuncio que o Concello vai realizar todas as alegacións, repito, por terceira vez, e se sigue neste camiño actuará sempre dende a legalidade”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
