Viveiro, 24 de febreiro, 2025. O Concello prepara a reposición do pavimento nas beirarrúas do marxe esquerdo da estrada LU-540 ao seu paso por Magazos. A actuación desenvolverase no tramo comprendido entre os puntos quilométricos 1+140 e 1+910, cun investimento de 110.795,19 euros e un prazo de execución de tres meses.
O proxecto contempla a demolición da actual solera e bordillo de formigón, que se atopa en mal estado, e a súa substitución por un novo pavimento de formigón impreso. Ademais, instalarase pavimento podotáctil en puntos estratéxicos para mellorar a accesibilidade e renovarase a rede de abastecemento, con case 30 acometidas que mellorarán o servizo nas zona.
A actuación que se está levando a cabo na LU-540 responde a unha demanda da veciñanza de Magazos e Xunqueira, que durante anos tivo que convivir co deterioro das beirarrúas e coas constantes avarías na rede de abastecemento de auga.
Con este proxecto, non só melloramos a accesibilidade e a seguridade peonil, senón que tamén renovamos un servizo básico esencial, garantindo un subministro máis eficiente e reducindo as incidencias que tanto afectaron á poboación.
“Desde o BNG fomos conscientes desde o primeiro momento das deficiencias que existían nesta infraestrutura e da importancia de solucionar este problema que afectaba a moitas familias”.
“Por iso, traballamos para conseguir esta mellora, que agora se fai realidade, demostrando unha vez máis o noso compromiso coa veciñanza e coa mellora das infraestruturas municipais”.
“O noso obxectivo é seguir transformando Viveiro para ofrecer espazos máis cómodos, accesibles e funcionais para todas as persoas”, remata Míriam Bermúdez.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
