Reclama aumentar as contías e pide que non se discrimine os concellos do interior que non teñen praias pero que si contan con piscinas municipais
Santiago de Compostela, 7 de febreiro 2025. O BNG reclama á Xunta que anticipe a aprobación e publicación da orde de convocatoria de axudas para que os concellos poidan planificar e organizar o servizo de socorrismo nos espazos acuáticos, así como que se incremente o orzamento para corrixir a preocupante evolución de mortes por afogamento en Galiza nestes espazos, que en 2024 subiu un 47%, con 64 mortes, mentres que en 2023 morreron pola mesma causa 46 persoas, e 39 en 2023.
O deputado Iago Tabarés reclama que as axudas teñen que convocarse a tempo para que os concellos non teñan que recorrer necesariamente a empresas privadas ou optar por non abrir as piscinas e outras áreas de baño. Recordou que o ano pasado a convocatoria foi publicada o 31 de maio, que o prazo para presentar solicitudes rematou o 1 de xullo e o límite que tiña a Xunta para resolver as achegas era o 30 de setembro.
Estes prazos nas convocatorias “impediron que os concellos puidesen realizar unha axeitada planificación da prestación deste servizo e fomenta ademais a externalización en empresas privadas porque non teñen tempo para iniciar procesos de selección de persoal”, apuntou.
Tabarés emprazou á Xunta do PP a que corrixa os criterios de valoración das axudas, que segundo o deputado, penalizan e mesmo exclúen os concellos do interior que na súa inmensa maioría non dispoñen de praias”. “A Galiza do interior existe e a súa cidadanía tamén quere dispor de espazos acuáticos en verán”, manifestou.
Na súa intervención, diante da directora xeral de Administración Local, Natalia Prieto, o deputado nacionalista quixo saber os resultados da convocatoria así como os concellos beneficiarios, tanto no ano 2024 como en exercicios anteriores, “porque non os coñecemos. O que si dixo coñecer é o incremento no número de pasamentos por afogamentos en espazos acuáticos a nivel estatal, onde o 86% das mortes se produciron en lugares que carecían de socorrista”, sendo Galiza a segunda comunidade en número de afogamentos de todo o Estado.
Diante destes datos, Tabarés alertou da necesidade de dispoñer de socorristas nos espazos acuáticos e por iso, e ante a falta de respostas por parte do PP ás preguntas escritas e orais do BNG, o deputado volveu preguntar na Comisión 1ª, non obtendo respostas.
“Non é unha falta de respecto a este deputado, nin ao BNG, é unha falta de respecto ao Parlamento e á cidadanía galega”, reprochou.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
